Արմինֆո. «Ավրորաե համաշխարհային մարդասիրական մրցանակը մեծարում է երեք մարդասերներին՝ «Իսլամական պետությունե ահաբեկչական խմբավորման գերությունից կանանց ազատագրելու, Եմենի գաղտնի բանտային ցանցը բացահայտելու եւ Նիգերիայում առեւանգված աղջիկներին ազատ արձակելու համար բանակցելու ազնիվ նվիրման համար:
«Ավրորաե համաշխարհային մարդասիրական մրցանակի Ընտրող հանձնաժողովն առանձնացրել է 2019թ. «Ավրորայիե երեք բացառիկ հերոսների, որոնց ընտրել է դրսեւորած եզակի խիզախության, նվիրվածության եւ ազդեցության համար: 2019թ. «Ավրորաե մրցանակի դափնեկրի անունը կհայտարարվի հոկտեմբերի 20-ին՝ Հայաստանում: 1 միլիոն ԱՄՆ դոլարի մրցանակով դափնեկիրը կստանա հնարավորություն՝ շարունակելու մարդասիրության շղթան եւ աջակցելու իր գործը ոգեշնչած կազմակերպություններին:
Ինչպես այսօր լրագրողների հետ հանդիպմանը պատմեցին մարդասիրական առաքելության հիմնադիրներ Ռուբեն Վարդանյանն ու Նուբար Աֆեյանը, այս տարի մրցանակի դափնեկիրներ են դարձել. Միրզա Դինայի՝ «Լյուֆթբրյուքե Իրաքե («Օդային կամուրջ Իրաքե) կազմակերպության համահիմնադիր եւ տնօրեն: Մարդասիրական կազմակերպությունն Իրաքից Գերմանիա է տեղափոխում «Իսլամական պետությունե ահաբեկչական խմբավորման բարբարոսություններից տուժած եզդիներին եւ ցուցաբերում բժշկական օգնություն: Դինային օգնել է հարյուրավոր կանանց փախչել «Իսլամական պետությանե կողմից վերահսկվող տարածքներից, անձամբ ներգրավվել նրանց անվտանգ վայր տեղափոխելու աշխատանքներում եւ ջուր ու սնունդ հասցրել մեկուսացման մեջ գտնվող եզդիներին: Առաջնորդվելով մարդկանց փրկելու մեծագույն ցանկությամբ՝ նա կարողացել է ճանապարհներ գտնել եւ հաղթահարել բազմաթիվ բյուրոկրատական, տեղափոխման հետ կապված խոչընդոտներ՝ օգնելով ամենակարիքավորներին: Միրզա Դինային առաջադրել է երեք կազմակերպություն, որոնք կրթության հնարավորություն են տալիս անապահով աշակերտներին եւ օգնություն տրամադրում աղետներից տուժածներին: Դրանք են «Լյուֆթբրյուքե Իրաքե (LuftbrՖcke Irak) կազմակերպությունը, «ՍԻԴե հիմնադրամը (SEED Foundation) եւ «Շայե հիմնադրամը (Shai Fund):
Զանա Բուկար Մուստաֆա՝ փաստաբան, «Ֆյուչըր փրաուիսե իսլամական հիմնադրամի հիմնադիր տնօրեն (Future Prowess Islamic Foundation): Հիմնադրամի դպրոցը կրթություն է տրամադրում Նիգերիայի Մայդուգուրի քաղաքի ընչազուրկ երեխաներին եւ պաշտպանում նրանց: 2016թ. հոկտեմբերին Զանա Բուկար Մուստաֆան գաղտնի հանդիպեց «Բոքո hարամիե ապստամբների հետ Սամբիսայի անտառներում տեղակայված նրանց թաքստոցում եւ վերադարձավ այնտեղից՝ իր հետ բերելով առեւանգված 21 երեխա: Տասներեք ամիս անց Կարմիր խաչի միջազգային կոմիտեի, Շվեյցարիայի կառավարության եւ Նիգերիայի իշխանությունների աջակցությամբ նա բանակցեց եւս 82 աղջիկների ազատ արձակման շուրջ: Զանա Բուկար Մուստաֆան առաջադրել է երեք կազմակերպություն, որոնց նպատակն է կառուցել ուժեղ համայնք եւ բարելավել կառավարման մեխանիզմները, ինչն էլ կբերի հակամարտությունների նվազեցման: Դրանք են «Ֆյուչըր փրաուիսե իսլամական հիմնադրամը (Future Prowess Islamic Foundation), «Ադաբե համայնքային վերականգնման հիմնադրամը (Adab Community Renewal Foundation) եւ «Հերվաե համայնքային զարգացման նախաձեռնությունը (Herwa Community Development Initiative):
Հուդա ալ-Սարարի՝ փաստաբան եւ ակտիվիստ: Հուդա ալ-Սարարին մարդու իրավունքների պաշտպան է, որը ոգեշնչում է իր խիզախությամբ: Եմենցի այս կինը հետաքննել եւ բացահայտել է իր երկրում գոյություն ունեցող գաղտնի բանտային ցանցը, որը ղեկավարում են դրսի իշխանությունները: Գաղտնի բանտերում անազատության մեջ են պահում հազարավոր տղամարդկանց եւ տղաների: Հուդա ալ-Սարարին անհերքելի ապացույցներ է հավաքել ընդհատակում գործող կալանավայրերում տեղի ունեցող խոշտանգումների մասին եւ դրանք փոխանցել «Էմնըսթի Ինթըրնեյշընըլե (Amnesty International) եւ «Հյումըն Ռայթս Ուոթչե (Human Rights Watch) կազմակերպություններին, որպեսզի միջազգային այս կառույցները զբաղվեն խնդրով: Նա առաջադրել է մարդու իրավունքների պաշտպանությամբ զբաղվող մեկ եւ խտրականության դեմ ու հանուն հավասարության պայքարող երկու կազմակերպություն. «Ռիփրիվե (Reprieve) կազմակերպությունը, «Իքուըլ Ռայթս Թրասթե (Equal Rights Trust) կազմակերպությունը եւ «Վեթաքե՝ հանուն քաղաքացիական կողմնորոշման հիմնադրամը (Wethaq Foundation for Civil Orientation):
«Այս մարդասերները ոգեւորում են իրենց օրինակով: Նրանք ազնիվ պայքար են մղում՝ հանուն մարդկության: «Ավրորաե մրցանակը մեծարում եւ գնահատում է մարդասիրական այն ահռելի ազդեցությունը, որը կարող են ունենալ այս անհատները՝ շնորհիվ իրենց համառության եւ նվիրման: Այն, թե ինչպես է «Ավրորանե կարեւորում այս մարդասերների ձեռքբերումներն ու ընդլայնում նրանց կարողությունների սահմանները, արժանի է համաշխարհային երախտագիտության եւ ճանաչման: Այս մրցանակը նման չէ մյուսներին. այն հերոսներին տալիս է այն ճանաչումը, որին նրանք արժանի են՝ խրախուսելով շարունակել իրենց գործը,- նշեց «Ավրորաե մրցանակի Ընտրող հանձնաժողովի անդամ եւ Միջազգային ճգնաժամային խմբի պատվավոր նախագահ Գարեթ Էվանսը:
«Ավրորաե մրցանակի Ընտրող հանձնաժողովը 2019թ. «Ավրորայիե հերոսներին ընտրել է 72 երկրներից առաջադրված 719 հավակնորդներից, որոնցից 523-ը եղել են չկրկնվող թեկնածուներ:
Պատասխանելով լրագրողների հարցին, թե որն է այդ մարդասիրական նախաձեռնության հաջողությունը, Ռուբեն Վարդանյանը մասնավորապես ասել է. <Պատմության մեջ առաջին անգամ մենք տալիս ենք աշխարհին, այլ ոչ թե՝ պահանջում>: Նրա խոսքով ՝ նախաձեռնության գործունեության բոլոր տարիների ընթացքում օգնություն է ստացել ավելի քան 850 հազար մարդ ամբողջ աշխարհում: