Արմինֆո. Կարծում եմ՝ ղարաբաղյան հակամարտության կարգավորման համար Հայաստանին և Ադրբեջանին այսօր, ավելի քան երբևէ, անհրաժեշտ է մեր աջակցությունը։ ԱրմԻնֆո-ին այդպիսի կարծիք է հայտնել 2008-2009 թթ. ԱՄՆ պետքարտուղարի եվրոպական և եվրասիական հարցերով փոխտեղակալ Դևիդ Մերկելը ։
Անցյալ տարվա հոկտեմբերին տարածաշրջանային այցով Կովկասում էր ԱՄՆ նախագահի ազգային անվտանգության հարցերով խորհրդական Ջոն Բոլթոնը։ Ի թիվս այլ հարցերի, դիվանագետը Երեւանում եւ Բաքվում քննարկել է ղարաբաղյան հակամարտության կարգավորման հեռանկարները: Դրանից հետո ընթացիկ տարվա հունվարին տեղի են ունեցել նրա հեռախոսազրույցները Հայաստանի եւ Ադրբեջանի ղեկավարների հետ:
<Նույնիսկ այսօր ես ղարաբաղյան հակամարտությունը սառեցված չեմ համարում։ Իրավիճակը շարունակում է մնալ բավականին անկայուն, ինչպես նաև ցանկացած պահի հակամարտության սրման վտանգ կա: Այս պայմաններում ԵԱՀԿ Մինսկի խմբին և ԱՄՆ ին ՝ որպես համանախագահող երկրներից մեկը, անհրաժեշտ է հակամարտության կարգավորման ուղղությամբ իրական քայլեր ձեռնարկել>, - ընդգծել է նա ։
Մերկելը կարծում է, որ ղարաբաղյան խնդիրը Բարաք Օբամայի վարչակազմի արտաքին քաղաքականության առաջնահերթությունների թվում չէր ։ Եվ չնայած Ջորջ Բուշ-կրտսերի նախագահության շրջանի իրավիճակը որակապես տարբերվում էր Օբամայի լեգիսլատուրայից, միևնույն է, այդ շրջանում էլ ղարաբաղյան հակամարտության կարգավորման ուղղությամբ բավարար քայլեր չեն արվել ։
<Այս առումով, կարծում եմ, եկել է ԱՄՆ-ի ավելի ակտիվ միջնորդությամբ ղարաբաղյան հակամարտության կարգավորման ժամանակը։ Եվ ներկայիս նախագահ Թրամփի վարչակազմը պետք է էապես ակտիվացնի ղարաբաղյան հակամարտության խաղաղ կարգավորման ուղղությամբ աշխատանքը>, - ամփոփել է ամերիկացի դիվանագետը ։