Հոկտեմբերի 26-ին ավարտվեց «Բաց Խաղ» համակարգչային
խաղերի և բջջային հավելվածների նախագծման չորրորդ առաջնությունը: Ինչպես ԱրմԻնֆո գործակալությանը տեղեկացվել է Ընկերության
մամուլի ծառայությունից, այս տարի
«Լավագույն խաղ» անվանակարգում հաղթող ճանաչվեց Հենրիկ Հակոբյանի ներկայացրած
«Choppy Fish» խաղը:
Շուտով այն
հասանելի կլինի շուկայում, իսկ մինչ այդ՝ այս անվանակարգի հատուկ մրցանակի
շրջանակներում Հենրիկը կմասնակցի տեսախաղերի ոլորտում կազմակերպվող աշխարհի
առաջատար Casual Connect համաժողովին, որն այս տարի կանցկացվի Բելգրադում, և
կներկայացնի իր խաղը Indie Prize մրցույթ-ցուցադրությանը: «Choppy Fish» խաղը
հաղթող է ճանաչվել նաև «Լավագույն Game Play» անվանակարգում՝ արժանանալով 200,000
դրամ դրամական պարգևի:
Orange-ի կողմից
սահմանված հատուկ մրցանակը հանձնվեց Օրանժ Արմենիայի մասնագետների և Ֆրանսիայից
հրավիրված՝ Orange Խումբը ներկայացնող ժյուրիի անդամի կողմից ընտրված IpricoT
թիմին՝ «Angry Virus Run» խաղի համար: Խաղի հեղինակ Հարություն Ամիրխանյանն այժմ
կունենա Ֆրանսիայում Orange Խմբի հավելվածների ստեղծման ստորաբաժանումներից մեկում
3 ամիս ժամկետով վարձատրվող վերապատրաստում անցնելու բացառիկ հնարավորություն:
Հատուկ մրցանակ շնորհելուց բացի՝ Orange-ը կաջակցի նաև ընտրված մի քանի խաղերի,
ներառյալ «Angry Virus Run» խաղի
տարածմանը՝ իր «My Orange» բջջային հավելվածի միջոցով:
«Լավագույն
դիզայն» անվանակարգում հաղթող ճանաչվեց Ժենյա Կարապետյանը` իր գունագեղ «Paint In»
խաղով: Նշված անվանակարգի համար սահմանված մրցանակը կազմել է 200,000 դրամ: «Paint
In» խաղը ևս կտեղադրվի «My Orange» բջջային հավելվածի «Խորհուրդ տրվող
հավելվածներ» բաժնում:
«Լավագույն
տեխնոլոգիական լուծում» անվանակարգում 200,000 դրամ դրամական պարգևը շնորհվեց
«Good Job» թիմին՝ «Lazy Monkeys» խաղի համար: Արմեն Մովսիսյանի հեղինակած «Little
Leo» խաղը հաղթող ճանաչվեց «Լավագույն 3D լուծում» անվանակարգում: Հեղինակն
արժանացավ 250,000 դրամ դրամական պարգևի:
« Պատանիների
առաջնություն- Junior» անվանակարգում 200,000 դրամ դրամական պարգևը շնորհվեց
Վազգեն Հովհաննիսյանին՝ «Rockin&Rollin» խաղի համար:
«Բաց Խաղ»
առաջնության ցուցահանդեսի այցելուները նաև հնարավորություն ունեցան խրախուսելու
մրցույթի մասնակիցներին՝ քվեարկելով իրենց նախընտրած խաղի օգտին: «Ժողովրդական
մրցանակ» անվանակարգի հաղթող ճանաչվեց AVAZ թիմն իր «Skydream» խաղով, որն իրենից
ներկայացնում էր ինքնաթիռի թռիչքի սիմուլյատոր: Խաղի հեղինակներն արժանացան 50,000
դրամ դրամական պարգևի:
Մնացած անվանակարգերում
հաղթողներ չընտրվեցին ժյուրիի կողմից, սակայն, առաջնության անցկացման պայմանների
համաձայն՝ առավել հետաքրքիր լուծումների հեղինակներն արժանացան խրախուսական
մրցանակների: Ժյուրիի կողմից խրախուսական մրցանակներ հանձնվեցին AVAZ թիմին «Skydream» (150,000 դրամ), Conto թիմին`
«White Light» (70,000 դրամ), Monopoly Time թիմին` «Monopoly Time» (70,000
դրամ), Գագիկ Խաչատրյանին` «Zdefendor» (60,000 դրամ) և «Շողեր» թիմի`
«ScaryMazeBegins» (SMB) (30,000 դրամ) խաղերի համար:
Այս տարի
առաջնությունը նշանավորվեց մասնակիցների լայն աշխարհագրությամբ. առաջնության
երևանաբնակ մասնակիցներին այս տարի նաև միացել էին մասնակիցներ Լոռու, Արարատի և
Արմավիրի մարզերից՝ ներկայացնելու իրենց հեղինակած խաղերը, մասնակցելու մրցույթին,
սովորելու նոր նախագծերի վրա աշխատելու, ինչպես նաև գործընկերների և պոտենցիալ
ներդրողների հետ հաղորդակցվելու հմտություններ:
Հիշեցնենք, որ
«Բաց Խաղ» համակարգչային խաղերի և բջջային հավելվածների նախագծման առաջնությունն
անցկացվում է Ինֆորմացիոն տեխնոլոգիաների ձեռնարկությունների միության և Օրանժ
Արմենիա ընկերության կողմից 2011թ.-ից ի վեր: Որպես գլխավոր հովանավոր՝ այս տարի
նախաձեռնությանը միացել է նաև «SoftConstruct» ընկերությունը: Առաջնության նպատակն
է զարգացնել համակարգչային խաղերի նախագծման ոլորտը Հայաստանում, ինչը
հնարավորություն կտա ստեղծել տեխնոլոգիական բիզնեսի նոր ուղղություն, բացահայտել
նոր տաղանդներ և խրախուսել երիտասարդներին:
Առաջնության
նկարները հասանելի են Օրանժ
Արմենիայի ֆեյսբուքյան էջում:
EU pursuing its own interests in South Caucasus - expert 
Azerbaijan is playing cat and mouse game with Armenia and the world - analyst
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Opinion: Lukashenko`s statements in Baku clearly demonstrate results of Armenian, Azerbaijani diplomacy work 
Poll: More than half of respondents in Armenia positively assess "Tavush for Motherland" movement
Experts discuss problems of Armenia 
Bagrat Galstanyan Armenia public and spiritual figure
Tavush movement returns our national dignity, Vazgen Manukyan
Nikol Pashinyan does not attend Victory Parade in Moscow either
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
