Չնայած
իրացմանն առնչվող բոլոր առկա խնդիրներին, Ռուսաստանի քննադատակնա գնահատականին,
դեռ վաղ է թաղել ԵՄ «Արևելյան գործընկերություն» նախագիծը: Այդպիսի կարծիք է
հայտնել Ռուսաստանի պետական հումանիտար համալսարանի դոցենտ, հայտնի քաղաքագետ
Սերգեյ Մարկեդոնովը` «Ռեգիոն» հետազոտական կենտրոնի կազմակերպած «Արևելյան
գործընկերության հետվիլնյուսյան գործընթացը» քննարկման ընթացքում:
«Նախ, հենց ԵՄ պետություններն են շահագրգռված
հետխորհրդային տարածքի երկրների հետ համագործակցության շարունակմամբ: Վիլնյուսի
գագաթնաժողովից հետո Եվրամիության 13 երկրներ նախապատրաստեցին «Եվրոպական փաթեթը»,
որն առնչվում է հետվիլնյուսյան իրողություններին:
Արդյոք մտահղացումից ինչ-որ բան կստացվի թե ոչ` առայժմ
ոչ ոք հարյուրտոկոսանոց վստահությամբ չի ասի: Սակայն միանգամայն պարզ է. ԵՄ
շահագրգռված է «կայուն հարևանությամբ» և փորձում է այդ ուղղությամբ քաղաքականությունը կառուցել այնպես, ինչպես
ինքն է պատկերացնում», - ընդգծել է նա: Մարկեդոնովը նշել է, որ ԵՄ նկատմամբ տարբեր հետաքրքրություն ունեն նաև
ԱԳ բուն մասնակիցները: Օրինակ, Ադրբեջանի մոտեցումը նման չէ Մոլդովայի մոտեցմանը,
Հայաստանինն ակնհայտորեն տաբերվում է Վրաստանի մոտեցումից, իսկ Ուկրաինայինը`
Բելառուսինից: Ընդ որում ԱԳ մասնակից բոլոր երկրների հարաբերությունները
Ռուսաստանի հետ տարբեր են, տարբեր է նաև ԵՄ հետ ինտեգրման աստիճանն ու դրա
նկատմամբ հետաքրքրությունը: Իսկ նրանց բոլորին միավորում է, առաջին հերթին,
հետաքրքրությունը ԵՄ հետ համագործակցության նկատմամբ` թեև դա էլ տարբեր ձևով է
ընկալվում:
Այս համատեքստում վերլուծաբանը համոզված է, որ ԵՄ
«Արևելյան գործընկերությունը», պարզապես, չի կարող լինել եվրոպական արժեքների
հաղթանակման երթ: Դրանք միանգամայն տարբեր են ընկալում նաև ԱԳ մասնակից երկրների
շարքային քաղաքացիներն ու վերնախավի ներկայացուցիչները, որտեղ քաղաքական և
քաղաքացիական նույնականությունը վերջնականապես չի ձևավորվել: «Մասնավորապես,
ամենևին շատ չեն նրանք, ովքեր Եվրամիությանը միանալու մեջ տեսնում են
ժողովրդավարության և բոլորի համար հավասար հնարավորությունների հաղթանակ: Ոմանք
նման հեռանկարից ակնկալում են բարձր սոցիալական ծախքեր, անվտանգության համար
խնդիրներ և սպառնալիքներ իրենց ազգային կամ տարածաշրջանային նույնականության
պահպանման համար», - ընդգծել է վերլուծաբանը: Այդ առումով, Մարկեդոնովի կարծիքով,
կարիք չկա ավելորդ գերագնահատել Մոսկվայի դերը, որը հաճախ դիվականացվում է,
ինչպես, ի դեպ, նաև` ԱՄՆ-ի և Արևմուտքի գործոնն ամբողջությամբ վերցրած:
«Այսպիսով,
առկա է ԵՄ հետ համագործակցության և Եվրոպային ինտեգրման մեծ պահանջարկ: Սակայն այն
կիսում են բնավ ոչ բոլորը, կան լուրջ հակասություններ, հատկապես` նույնականության
հարցերի և տարածաշրջանային տարբերությունների, չկարգավորված հակամարտությունների
մասով: Այդ հակասություններն ինքնին չեն վերանա, հետևաբար, հետխորհրդային տարածքի
ճակատագրերի շուրջ Ռուսաստանի և ԵՄ երկխոսությունը ոչ թե, պարզապես, ցանկալի է,
այլև` անխուսափելի: Հարց է միայն, թե երբ դա կգիտակցեն երկու կողմերը և ինչպիսի
ձևաչափեր կընտրեն նման երկխոսության համար», - ամփոփել է ռուսաստանցի
վերլուծաբանը:
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
