Հոկտեմբերի 26-ին, ժ. 12:00- 17:00 Մոսկվա կինոթատրոնում
տեղի կունենա «Բաց Խաղ» համակարգչային և
բջջային խաղերի նախագծման առաջնությանը ներկայացված խաղերի հանրային ցուցադրությունը,
որին կհաջորդի մրցանակաբաշխությունը: Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, այդ օրը բոլոր ցանկացողներն ու հետաքրքրված անձինք
հրավիրվում են տեսնելու, փորձելու և խաղալու հայ երիտասարդների ու պատանիների
կողմից մշակված համակարգչային և բջջային խաղերը:
«Բաց Խաղ» առաջնությունն անցկացվում է
2011թ.-ից և նպատակ ունի զարգացնել խաղերի նախագծման ոլորտը Հայաստանում, ստեղծել
նոր բիզնես միջավայր, ունենալ ոլորտում «Made in Armenia» բրենդ և զգալի
դերակատարում ունենալ միջազգային շուկայում: Առաջնությունը միտված է նաև
բացահայտելու տաղանդավոր երիտասարդների և վերջիններիս խրախուսելու շարունակել
իրենց գործունեությունը խաղերի ոլորտում:
«Այս տարվա
մրցույթում շեշտը դրել ենք պատանիների ոգեշնչմանը և խրախուսմանը: Ինչպես
յուրաքանչյուր տարի, այս տարի նույնպես ներկայացված խաղերում տեսնում ենք որակական
աճ: Խաղերի մի մասն արդեն իսկ հասանելի են շուկայում, մյուս մասը դեռևս զարգացման
փուլում են»,- ասաց Ինֆորմացիոն Տեխնոլոգիաների Ձեռնարկությունների Միության
գործադիր տնօրեն Կարեն Վարդանյանը:
«Բաց Խաղ 2014» առաջնության խաղերի
ցուցահանդեսին ներկայացված է 20 խաղ: Առաջնությանը միացել են մասնակիցներ ոչ միայն
Երևանից այլ նաև Լոռիից, Արմավիրից և Արարատից: Մասնակիցները մրցելու են նախապես
հայտարարված 8 անվանակարգերում` «Լավագույն խաղ», «Լավագույն բջջային խաղ»,
«Լավագույն Game Play», «Նորարարություն», «Լավագույն դիզայն», «Լավագույն
3D լուծում», «Պատանիների առաջնություն- Junior» և «Ժողովրդական մրցանակ»:
Ցուցահանդեսի ընթացքում այցելուները հնարավորություն կունենան ծանոթանալու առաջնության մասնակիցների
ներկայացրած աշխատանքներին, ինչպես նաև քվեարկել նախընտրած խաղի օգտին:
Այցելուների կողմից ամենաշատ ձայներ հավաքած մասնակիցը կստանա «Ժողովրդական մրցանակ»:
Առաջնության «Լավագույն խաղը» նոյեմբերին կներկայացվի Casual Connect Բելգրադ
համաժողովին և կմասնակցի նրան կից անցկացվող IndiePrize մրցույթ-ցուցադրությանը:
Առաջնության մրցանակային ֆոնդը 3.500.000 դրամ է:
«Բաց Խաղ» առաջնությունը հայկական խաղերի զարգացման
ոլորտում արդեն հասցրել է դառնալ ավանդական և սպասվող իրադարձություն: Այս տարի
առաջնության մասնակիցների համար ունենք հատուկ անակնկալ՝ նրանցից մեկը կստանա
հնարավորություն վերապատրաստվել Ֆրանսիայում` Orange Խմբի` հավելվածների ստեղծման ստորաբաժանումներից
մեկում: Օrange-ի այս հատուկ մրցանակի հաղթողին որոշելու համար, Ֆրանսիայից է
ժամանել Ալեքսանդր Մինոսը, ով Orange-ի մասնագետների հետ միասին կուսումնասիրի
մասնակից խաղերը և կընտրի հաղթողին»,- նշեց Օրանժ Արմենիայի Բրենդի և
հաղորդակցության գծով տնօրեն Արամ Մկրտչյանը:
Հիշեցնենք, որ
Orange-ի մրցանակի շրջանակներում վերապատրաստումը վարձատրվելու է, բացի այդ Օրանժ
Արմենիան կհոգա նաև ավիատոմսերի ծախսերը:
«Բաց Խաղ» առաջնությունը արդեն չորրորդ տարին
անընդմեջ կազմակերպում են Ինֆորմացիոն Տեխնոլոգիաների Ձեռնարկությունների
Միությունը և Օրանժ Արմենիա ընկերությունը: Այս տարի նախագծին է միացել նաև
«ՍոֆթՔոնսթրաքթ» ընկերությունը` որպես գլխավոր հովանավոր: «ՍոֆթՔոնսթրաքթ»
ընկերությունն առաջնության ողջ ընթացքում ուշի ուշով հետևում ու աջակցում էր «Բաց
Խաղի» մասնակիցներին և ուրախ ենք արձանագրել, որ հայաստանյան խաղեր ստեղծողները
նման հաջողություններ են արձանագրում: Հատկապես ուրախալի է, որ մրցույթին
մասնակցում են մարզերի ներկայացուցիչները: Մենք գոհ ենք ԻՏՁՄ և Օրանժ Արմենիայի
հետ համագործակցությունից և պատրաստ ենք շարունակել այն»,-ասաց «ՍոֆթՔոնսթրաքթ»
ընկերության հաճախորդների հետ հարաբերությունների սպասարկման ղեկավար Տաթևիկ
Հակոբյանը:
Առաջնության
ժյուրիի կազմում ընդգրկված են խաղերի նախագծման առաջատար մասնագետներ,
ծրագրավորողներ, դիզայներներ Օրանժ Արմենիա, Frismos, Plexonic, Triada, SoftConstruct,
HitBits, Zoom Graphics ընկերություններից և
Ինֆորմացիոն Տեխնոլոգիաների Ձեռնարկությունների Միությունից:
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
