Հայաստանի փոխարտգործնախարար Շավարշ Քոչարյանն Ադրբեջանին խորհուրդ է տվել դադարեցնել նոր բաժանարար գծեր ստեղծելու անհեռանկար քաղաքականությունը:
Քոչարյանը մեկնաբանել է Բաթումում Վրաստանի, Ադրբեջանի և Թուրքիայի արտգործնախարարների հանդիպմանը հաջորդած ասուլիսի ժամանակ Ադրբեջանի արտգործնախարար Էլմար Մամեդյարովի խոսքերը, ով փորձել է եռակողմ համագործակցությունը ներկայացնել որպես Հայաստանի դեմ ուղղված ուղերձ: ՙՕրինաչափ է, որ հակաժողովրդավարական գաղափարախոսությամբ առաջնորդվող երկրի արտգործնախարարը չի հասկանում, որ ժամանակակից աշխարհում ինչ-որ մեկի հետի փոխարեն, ինչ-որ մեկի դեմ բարեկամություն անելն անհեռատեսական է: Վաղուց ժամանակն է, որ Ադրբեջանը դադարեցնի նոր բաժանարար գծեր ստեղծելու իր անհեռանկար քաղաքականությունը, որի նպատակն է ժառանգական ավտորիտար իշխանության պահպանումը՚, - ընդգծել է Քոչարյանը: