ԱրմենՏել՚ ընկերությունը (ապրանքանիշը Beeline) հայտարարում Է ՙՀաշվարկային համակարգի փոփոխում՚ ծառայության՝ կանխավճարային համակարգից դեպի հետվճարային համակարգ անցում սակագնի փոփոխման մասին:
Ինչպես ԱրմԻնֆո գործակալությանը հաղորդեցին ընկերության մամուլի ծառայությունից, պահպանելով իրենց հեռախոսահամարը, իրավաբանական և ֆիզիկական անձինք կարող են անվճար փոփոխել հաշվարկային համակարգը՝ ընտրելով հետևյալ տարբերակներից մեկը. ընտրել դուր եկած սակագնային փաթեթն ընկերության հետվճարային համակարգի ընտրանուց, կամ հնարավորության դեպքում, բաժանորդի գործող սակագնային փաթեթի շրջանակում փոխել հաշվարկային համակարգը:
Նշենք, որ նախկինում ՙՀաշվարկային համակարգի փոփոխում՚ ծառայության՝ կանխավճարային համակարգից դեպի հետվճարային համակարգ անցման սակագինը կազմում էր 500 դրամ: