Արմինֆո.Հայաստանի Արարատի մարզի Մասիս քաղաքի պետական գյուղատնտեսական քոլեջում բացվեց Զարգացման երկու կենտրոն, որոնց նպատակն է բարելավել 17-ից 20 տարեկան երիտասարդների անգլերենի և աշխատանքային հիմնարար հմտությունները: Կենտրոնների հիմնումը կայացավ «Անգլերենը և աշխատանքային հմտությունները կարիերայի զարգացման համար» ծրագրի շրջանակում, որն իրականացվում է Բրիտանական խորհրդի կողմից` «Էյչ-Էս-Բի-Սի Բանկ Հայաստան» ՓԲԸ-ի (HSBC Հայաստան) ֆինանսավորմամբ։
Ծրագրի իրականացմանն իր աջակցությունն է ցուցաբերում ՀՀ կրթության և գիտության նախարարությունը:
Զարգացման կենտրոնների բացման հանդիսավոր արարողությունը տեղի ունեցավ փետրվարի 20-ին Մասիսի պետական գյուղատնտեսական քոլեջում։ Արարողությանը մասնակցեցին HSBC Հայաստանի Գլխավոր գործադիր տնօրեն Փոլ Էդգարը, ՀՀ կրթության և գիտության նախարարության Նախնական (արհեստագործական) և միջին մասնագիտական կրթության վարչության պետ Արտակ Աղբալյանը և Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը։
«Անգլերենը և աշխատանքային հմտությունները կարիերայի զարգացման համար» ծրագրի շրջանակում նախատեսվում է Արարատի մարզում գործող միջին մասնագիտական կրթական հաստատությունների ուսանողներին աջակցել աշխատաշուկա մուտք գործելու և աշխատանքային ոլորտի կարևորագույն հմտություններից մեկի՝ անգլերենի բարելավման հարցում: Այդ նպատակով կենտրոնները կառաջարկեն անգլերենի և աշխատանքային հմտությունների զարգացման գծով դասընթացներ։ Մասնակիցներին կընձեռվի նաև պրակտիկայի և աշխատանքի հնարավորություն գործընկեր կազմակերպություններում: Ծրագրի ֆինանսավորմանը զուգահեռ HSBC Հայաստանը իր վրա է վերցրել Մասիսի պետական գյուղատնտեսական քոլեջի երկու դասասենյակների հիմնովին վերանորոգման ծախսերը։
«HSBC-ում մենք համարում ենք, որ կրթությունը հանդիսանում է համաշխարհային տնտեսությունում հաջողության հասնելու հիմնական գրավականներից մեկը: Մենք պատասխանատվություն ենք կրում ոչ միայն մեր հաճախորդների, աշխատակիցների և բաժնետերերի, այլև այն երկրների և համայնքների առջև, որտեղ գործում ենք։ Մեր կորպորատիվ սոցիալական պատասխանատվության ռազմավարության շրջանակում հատուկ ուշադրություն ենք դարձնում ապագայի աշխատանքային հմտությունների զարգացմանը: «Անգլերենը և աշխատանքային հմտությունները կարիերայի զարգացման համար» ծրագիրը այս հանձնառության լավագույն օրինակն է: Ծրագիրն էլ ավելի եմ կարևորում, քանի որ այն ուղղված է Երևանից դուրս գտնվող համայնքների երիտասարդներին և ստեղծում է այնպիսի հնարվորություններ, որոնք այլապես նրանց հասանելի չէին լինի», - ողջույնի իր խոսքում ասաց HSBC Հայաստանի Գլխավոր գործադիր տնօրեն Փոլ Էդգարը:
«ՀՀ կրթության և գիտության նախարարության կողմից հավանության է արժանացել ուսումնական հաստատություններում կարիերայի կենտրոնների և հաստիքի ստեղծման գաղափարը։ Այս Զարգացման կենտրոնների աշխատանքին զուգահեռ դրանք նոր լիցք կարող են հաղորդել, ուսանողներին՝ վերջիններիս ուղղորդելով թե՛ մասնագիտական և թե՛ հետագա աշխատանքի տեղավորման առումով։ Զարգացման կենտրոններում նոր հմտությունների ու գիտելիքների ձեռքբերումը, մասնավորապես անգլերենի իմացության խորացումը, կհեշտացնի աշխատանք գտնելու գործըթնացը»,- նշեց ՀՀ կրթության և գիտության նախարարության Նախնական (արհեստագործական) և միջին մասնագիտական կրթության վարչության պետ Արտակ Աղբալյանը:
«Հիմնադրման պահից ի վեր Բրիտանական խոհրդի հիմնական առաքելությունն է եղել կրթության և մշակույթի միջոցով երկրների մերձեցումը ու մշակույթների միջև փոխվստահության կառուցումը ։ Այս առումով հատկապես կարևորում ենք անգլերենի ուսուցումը և հույս ունեմ, որ այն ուսանողները, ովքեր կընդգրկվեն Զարգացման կենտրոնում աշխարհի հետ հաղորդակցվելու ավելի մեծ հնարավորություններ կունենան։ Բացի այդ, այս ակումբներում ձեռք բերած հմտությունները կօգեն նրանց առավել մրցունակ լինել աշխատանքային շուկայում», - ասաց Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը։
Ավելի վաղ Զարգացման երկու կենտրոն էր բացվել Արտաշատ քաղաքի Արարատի տարածաշրջանային պետական քոլեջում: Ընդհանուր առմամբ Զարգացման չորս կենտրոնի շահառուների թիվը կազմում է շուրջ 300 ուսանող, որոնցից 80-ը ընդգրկված են անգլերենի, իսկ առնվազն 210-ը՝«Աշխատանքային հմտություններ» դասընթացներում:
Կենտրոնների գործունեությունը համակարգելու նպատակով Բրիտանական խորհրդի կողմից վերապատրաստվել են անգլերենի 11 ուսուցիչ և «Աշխատանքային հմտություններ» դասընթացի 5 թրեյներ:
HSBC Խումբ
HSBC Holdings plc-ն՝ HSBC Խմբի ընկերության գլխամասը, գտնվում է Լոնդոնում: Խումբն իր հաճախորդներին ծառայություններ է տրամադրում իր մոտ 3800 գրասենյակներից, որոնք գտնվում են 66 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր և հզոր ֆինանսական կառույցներից մեկը, որի ակտիվները 2018թ-ի սեպտեմբերի 30-ի դրությամբ կազմել են 2 603 միլիարդ ԱՄՆ դոլար:
HSBC Հայաստան
«Էյչ-Էս- Բի-Սի Բանկ Հայաստան» ՓԲԸ-ը հիմնադրվել է 1996թ-ին։ Բանկը համատեղ ձեռնարկություն է, որի 70%-ը պատկանում է HSBC Խմբին, իսկ 30%-ը` արտերկրի հայ գործարարներին: Էյչ-Էս-Բի-Սի Հայաստանը սպասարկում է շուրջ 30 000 հաճախորդի Երևան քաղաքում գտնվող իր 8 գրասենյակների և մոտ 406 աշխատակիցների միջոցով: 2018թ-ի սեպտեմբերի 30-ի դրությամբ բանկի ակտիվները կազմել են 283 մլրդ. ՀՀ դրամ ներառյալ Էյչ-Էս-Բի-Սի Բանկ Փի-Էլ-Սի:
Բրիտանական խորհուրդ
Բրիտանական խորհուրդը Միացյալ Թագավորության միջազգային կազմակերպությունն է, որը կառուցում է մշակութային հարաբերություններ և ստեղծում կրթական հնարավորություններ: Մենք աշխատում ենք ավելի քան 100 երկրներում արվեստի, մշակույթի և կրթության ոլորտում: Յուրաքանչյուր տարի մենք առնչվում ենք գրեթե 500 միլիոն բնակչության հետ, որը կազմում է ամբողջ աշխարհի բնակչության 1/10 մասը։
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
Անդրանիկ Թևանյան. Մայրաքաղաքի իշխանությունների կողմից տրանսպորտի թանկացումը հետապնդում է բացառապես գերշահույթ ստանալու նպատակ
