Արմինֆո.Դեկտեմբերի 12-ին Ամերիաբանկի նորաբաց <Նոր-Նորք> մասնաճյուղն իր դռներն է բացել հաճախորդների առջև Երևանում՝ Գայի պողոտա 16, <Մեգամոլ Մասիվ> առևտրի կենտրոն հասցեում: Բացման արարողության ժամանակ Ամերիաբանկի մանրածախ գործառնությունների գծով տնօրեն Արման Բարսեղյանը հայտնել է, որ այն բանկի թվով վեցերորդ մասնաճյուղն է Երևանում, որն աշխատելու է հատուկ գրաֆիկով` շաբաթը 7 օր, ժամը 10:30-ից մինչև ժամը 21:15:
<Մասնաճյուղերի աշխատանքի այդ ձևաչափն Ամերիաբանկը ներդրել է երեք տարի առաջ՝ հասկանալով հաճախորդների սպասարկման հարմարավետության կարևորությունը: Այդպիսով՝ բանկը հնարավորություն է ընձեռել քաղաքացիներին աշխատանքային օրվա ավարտից հետո հանգիստ ռեժիմով օգտվել անհրաժեշտ ծառայություններից>,- նշել է նա:
Պատասխանելով ԱրմԻնֆո-ի հարցին՝ նա նշել է, որ նոր մասնաճյուղում ստեղծվել է 15 աշխատատեղ: <Ժամանակի ընթացքում, երբ մասնաճյուղը կհավաքի իր հաճախորդների բազան, իսկ դա, որպես կանոն, տեղի է ունենում 3-6 ամսվա ընթացքում, աշխատակիցների թիվը կավելանա: Ենթադրվում է, որ այդ ժամանակ մասնաճյուղում մինչև 25 մարդ կաշխատի>,- ասել է նա:
Միաժամանակ Ա. Բարսեղյանն ընդգծել է, որ նոր մասնաճյուղում որոշ ծառայությունների գծով իրավաբանական և ֆիզիկական անձանց համար նախատեսվում են արտոնյալ պայմաններ: <Մասնաճյուղն առաջարկում է արտոնյալ պայմաններով հետևյալ ծառայությունները՝ նոր իրավաբանական անձի հաշիվ բացելու դեպքում Ամերիա Օնլայն/Մոբայլ Բանկինգ համակարգի տրամադրում` մեկ տարվա անվճար սպասարկմամբ; Business քարտի տրամադրում` մեկ տարվա անվճար սպասարկմամբ; Ընկերության երկու ղեկավարին/իրական շահառուին մեկական դեբետային կամ կրեդիտային քարտի տրամադրում /բացառությամբ՝ Platinum կամ Infinite տեսակի քարտերի/` մեկ տարվա անվճար սպասարկմամբ; նոր ֆիզիկական անձի հաշիվ բացելու դեպքում մեկ դեբետային կամ կրեդիտային քարտի /բացառությամբ՝ Platinum կամ Infinite տեսակի քարտերի/ տրամադրում` մեկ տարվա անվճար սպասարկմամբ;
Ամերիա Օնլայն/Մոբայլ Բանկինգ և Հեռախոսային բանկինգ ծառայությունների անվճար տրամադրում>,- պարզաբանել է Ա. Բարսեղյանը:
Խոսելով մասնաճյուղային ցանցի ընդլայնման հետագա ծրագրերի մասին՝ նա նշել է, որ դրա անհրաժեշտությունը կա՝ չնայած թվային սպասարկման դինամիկ զարգացմանը: Ա. Բարսեղյանը տեղեկացրել է, որ 2019 թ. սկզբին սպասվում է մասնաճյուղի բացում Աբովյան քաղաքում՝ միաժամանակ չբացառելով տարվա ընթացքում ևս երեք ստորաբաժանման բացում:
ՀՀ ԿԲ Խորհրդի անդամ Օլեգ Աղասյանը, ողջունելով բանկերի կողմից մասնաճյուղային ցանցի ընդլայնմանն ուղղված քայլերը, ընդգծել է, որ դա ոչ միայն հնարավորություն է ընձեռում հաճախորդներին օգտվել բանկային ծառայություններից, այլ նաև մրցակցության շնորհիվ բարձրացնում է սպասարկման որակը: <Ամերիաբանկը, լինելով ունիվերսալ ֆինանսական կառույց, մատուցում է ծառայությունների լայն շրջանակ: Հուսով եմ, որ նոր մասնաճյուղի բացմամբ Ամերիաբանկը կշարունակի ընդլայնել մատուցվող ծառայությունների շրջանակը: Մեզ համար կարևոր է, որ բանկն ուշադրությունը կենտրոնացնի հաճախորդների սպասարկման անհատական մոտեցման վրա>,- գտնում է Օ. Աղասյանը:
Նոր Նորք վարչական շրջանի ղեկավար Հայկ Մհրյանն իր կողմից ավելացրել է. <Ամերիաբանկի մասնաճյուղի բացմամբ Նոր-Նորքի բնակիչները բանկի այլ ստորաբաժանումներ դիմելու կարիք չեն ունենա, քանի որ <Նոր-Նորք> մասնաճյուղում կարելի է անհրաժեշտ ծառայություններ ստանալ: Մասնաճյուղի բացումը կարևոր է նաև աշխատատեղեր ստեղծելու տեսակետից>:
Մասնաճյուղի բացման ընթացքում տեղի է ունեցել ավելի վաղ բանկի կողմից հայտարարված «Ի՞նչ, Ո՞րտեղ, Ե՞րբ» մրցույթի հաղթողների պարգևատրման արարողությունը:
Նշենք, որ Ամերիաբանկի մասնաճյուղային ցանցը, հաշվի առնելով նորաբաց <Նոր-Նորք> մասնաճյուղը, բաղկացած է 17 ստորաբաժանումներից, որոնցից` 11-ը մայրաքաղաքային և 6-ը մարզային:
Նշենք, որ Ամերիաբանկը հայկական շուկայում գործում է 1996 թվականի հոկտեմբերի 31-ից: 2018 թվականի հուլիսի 1-ի դրությամբ Ամերիաբանկի բաժնետերերն են հանդիսանում` Ameria Group CY Ltd. - 56.6%, ՎԶԵԲ - 17.8%, Ասիական զարգացման բանկ - 13.98%, ESPS Holding Limited - 11.62%:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
