Արմինֆո. Մենք միշտ պետք է հիշենք, որ հեղափոխության օրերին աջակցելով Նիկոլ Փաշինյանին՝ ժողովուրդն արդեն այդ ժամանակ իր պահանջները դրեց նրա առջև: ԱրմԻնֆո-ին այդպիսի կարծիք է հայտնել <Իմ քայլը> դաշինքից պատգամավորի թեկնածու, միջազգային փորձագետ Հովհաննես Իգիթյանը:
<Եվ այսօր՝ ընտրություններում հաղթանակից հետո, հրաժարվել այդ պահանջներից, մենք պարզապես չենք կարող: Կառավարությունը, խորհրդարանը չեն կարողանա մեկուսանալ ժողովրդից: Ժողովուրդն ուղղակի թույլ չի տա դա: Եվ դա պետք է հասկանալ: Կարծում եմ, որ միանգամայն տեղին է նշել, որ ավելի շատ ընդդիմադիր, քան Նիկոլ Փաշինյանն է, Հայաստանի քաղաքական դաշտում դեռ չեմ տեսել>,- նշել է նա:
<Ամենամեծ տարբերությունը բոլոր անցած և այս ընտրությունների միջև 2018 թ. դեկտեմբերի 9-ին մարդկանց առավելագույն ազատությունն էր: Եվ նման պայմաններում վստահության այդ բարձր քվեն մեծ պարտավորություններ է դնում հաղթած քաղաքական ուժի, մասնավորապես՝ <Իմ քայլը> դաշինքի խորհրդարանական խմբակցության վրա: Նման վստահություն ժողովուրդը քաղաքական գործիչների նկատմամբ վաղուց չուներ: Հետևաբար՝ հիասթափության դեպքում պատիժն էլ կարող է շատ ցավոտ լինել>,- ընդգծել է քաղաքական գործիչը:
Այս առումով Իգիթյանը հուսով է, որ նոր խորհրդարանը և խորհրդարանականները կկարողանան ազատվել կառավարությունից և վարչապետի անձից բազմամյա կախվածությունից: Խորհրդարանը Հայաստանում, նրա համոզմամբ, միշտ կառավարության կցորդն է եղել: Եվ այն ամենը, ինչ խորհրդարան էր բերվում նախագահի, վարչապետի կամ նախարարների կողմից անմիջապես հաստատվում էր կոճակի սեղմամբ: Ելքը քաղաքակն գործիչը տեսնում է իրավիճակը նորմալ հունի մեջ դնելով՝ իշխանության օրենսդիր և գործադիր ճյուղերի տարանջատման միջոցով:
<Հուսով եմ, որ նոր խորհրդարանը շատ արագ կհասկանա ու կգիտակցի իր լիազորությունները: Եվ կառավարությունն ստիպված կլինի փաստարկված ապացուցել խորհրդարանին այս կամ այն օրենքի անհրաժեշտությունը: <Կարծում եմ, որ ԲՀԿ-ի և <Լուսավոր Հայաստանի> մեր գործընկերներն այդ հարցում կօգնեն մեզ: Տեսնենք, թե ինչպես կընթանա քաղաքական դաշտի ազատ ձևավորման գործընթացը, որում <Քաղաքացիական պայմանագիրն> առաջին անգամ իր ինստիտուցիոնալ ձևավորման հնարավորություն է ստանում>,- ամփոփել է Իգիթյանը: