Արմինֆո.Աշխարհաքաղաքական նոր պայմաններում կարելի է քննարկել ՀԱՊԿ-ին Ադրբեջանի մասնակցությունը, Haqqin.az-ին հարցազրույցում հայտարարել է Ադրբեջանի Միլլի մեջլիսի պատգամավոր, ադրբեջանա-ռուսական միջխորհրդարանական համագործակցության խմբի ղեկավար Ալի Հուսեյնլին:
Նա հիշեցրել է, որ անցած դարի 90-ական թթ. սկզբին Ադրբեջանը միացել է Հավաքական անվտանգության պայմանագրին, 90-ական թթ, վերջին լքել այն:
Միաժամանակ ադրբեջանցի պատգամավորը գտնում է, որ այսօր իրավիճակն արմատապես տարբերվում է 1999 թ. իրավիճակից, երբ Ադրեբջանը հրաժարվեց Հավաքական անվտանգության պայմանագրի երկարացումից: «2002 թվականին ՀԱՊԿ-ը փոխակերպվեց լիարժեք միջազգային կազմակերպության: Եվ հիմա ՀԱՊԿ-ի չի կարելի դիտարկել` որպես բացառապես ռազմական դաշինք: Այն ավելի շուտ տարածաշրջանային միջազգային կազմակերպություն է, որը զբաղվում է միջազգային ահաբեկչությանը, ապօրինի միգրացիային, կիբերհանցավորությանը հակազդման խնդիրներով: Վերջին տարիներին Ադրբեջանը և Ռուսաստանն արդյունավետորեն համագործակցում են ռազմատեխնիկական ոլորտում: Մեր երկիրը ժամանակակից ռուսական սպառազինության խոշոր ներմուծող է, ըստ որում` ի տարբերություն Հայաստանի, դրա դիմաց վճարում է «կենդանի փողով՚: Այդ համագործակցությունը երկարաժամկետ բնույթ է կրում, քանի որ, սպառազինության նոր խմբաքանակի ձեռքբերմանը զուգընթաց, այն ենթադրում է պահեստամասերի գնում, տեխնիկայի սպասարկում, մասնագետների պատրաստում: Քննարկվում է նաև նորագույն ռազմական տեխնիկայի ձեռքբերման բազմամիլիարդ արժողությամբ նոր պայմանագրերի կնքում՚,- նշել է Հուսեյնլին:
Միաժամանակ, պատգամավորը գտնում է, որ չկարգավորված ղարաբաղյան հակամարտությունը սպառնալիք է տարածաշրջանային անվտանգության համար և զսպող գործոն Հարավային Կովկասի հետագա զարգացման համար: «Հայաստանը պաշտոնապես ՀԱՊԿ գծով Ռուսաստանի դաշնակիցն է, և այդ դաշնակցային հարաբերությունները որոշակի պարտավորություններ է դնում Ռուսաստանի վրա: Սակայն, վերջինիս «դաշնակիցը՚ գնալով ավելի բացահայտ արևմտամետ կողմնորոշում և նույնիսկՆԱՏՕ-ի գծով փոխգործակցության ամրապնդման շահագրգռվածություն է դրսևորում: ՀԱՊԿ-ին Ադրբեջանի անդամակցության դեպքում ղարաբաղյան հակամարտությունը Ռուսաստանի համար կվերածվի կազմակերպության գծով երկու գործընկերների միջև հակամարտության, ինչը կարգավորման ուղղությամբ իր միջնորդական ջանքերն ակտիվացնելու հիմքեր կտա վերջինիս: Բացի այդ, կազմակերպության անդամներ են երկրներ, որոնք աջակցում են Ադրեբջանի տարածքային ամբողջականությանը և պահանջում մեր հողերի ապաօկուպացում՚,- ասել է Հուսեյնլին:
Ադրբեջանցի պատգամավորը նաև համոզված է, որ որևէ հիմք չկա կարծելու, թե
ՀԱՊԿ-ում համագործակցությունը սպառնալիք է Ադրբեջանի ինքնիշխանությանը: «Մի՞թե Ղազախստանը, Տաջիկստանն ու Բելառուսը անդամակցության տարիների ընթացնում կորցրել են իրենց ինքնիշխանությունը: Ընդհակառակը, միայն ամրապնդել են իրենց անկախությունը: Ահա թե ինչու գտնում եմ, որ հաշվի առնելով ժամանակակից իրողությունները, աշխարհաքաղաքական նոր իրավիճակը, Ադրբեջանի առաջատար դիրքը Հարավային Կովկասում և մեր երկրի աճող ռազմական հզորությունը` նպատակահարմար կլիներ քննարկել ՀԱՊԿ-ին մեր երկրի մասնակցության հարցը: Մասնակցությունը ՀԱՊԿ-ում հնարավորություն կտա մեզ ոչ միայն հետևել, այլև ազդել գործընթացների վրա: Պետք է հաշվի առնել, որ ցանկացած երկիր ցանկացած ժամանակ կարող է լքել կազմակերպությունը, իսկ որոշումներն այնտեղ ընդունվում են կոնսենսուսով: Այնպես որ` ես որևէ լուրջ վտանգ Ադրբեջանի համար չեմ տեսնում: Բացի այդ, կարելի է սկսել այդ կազմակերպությունում դիտորդ պետության կարգավիճակից՚,- ասել է պատգամավորը:
Նշենք, որ Հայաստանը բազմիցս հանդես է եկել ՀԱՊԿ-ին Ադրբեջանի անդամակցության դեմ:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
