Արմինֆո. «Լրագրողներ առանց սահմանների» (RSF) կազմակերպությունը եվրոպական առաջնորդներին կոչ է անում Ադրբեջանի հետ կապերը հաստատել, հաշվի առնելով մամուլի ազատության նկատմամբ հարգանքը:
Ըստ Բաքվի Թուրան գործակալության, RSF հայտարարության մեջ, մասնավորապես, նշվում է, որ «Նախագահ Իլհամ Ալիևը շարունակում է իր առաջխաղացումը Եվրոպայում, չնայած մամուլի ազատության խախտումների մակարդակն իր երկրում երբեք չի եղել այնքան էլ բարձր»: «Ժամանակն է, որպեսզի եվրոպական առաջնորդներն Ադրբեջանի հետ իրենց հարաբերությունները կառուցեն, հաշվի առնելով Բաքվի կողմից հիմնարար իրավունքների գծով նրա միջազգային պարտավորությունների կատարումը: Ապօրինաբար ձերբակալված լրագրողների անհապաղ ազատ արձակումը և անկախ լրատվամիջոցների նկատմամբ հետապնդումների դադարեցումը պետք է լինի այդ պայմանների ցանկում», - նշվում է փաստաթղթում:
Նշվում է, որ Ադրբեջանում, մինչդեռ, շարունակվում են վերջին անկախ լրագրողների ճնշումները երկրում, որն զբաղեցնում է 163-րդ տեղը 180 երկրների շարքում, RSF մամուլի ազատության ինդեքսում:
Իշխանությունների վերջին զոհերը դարձան Աֆղան Սալիգովը, հարավարևելյան Ջալիլաբադ քաղաքի Azel.tv լրատվական կայքի խմբագիրը: Շինծու մեղադրանքների հիման վրա 18 ամիսն բանտում անցկացնելուց հետո նա մայիսին ազատ արձակվեց, որից հետո շատ ակտիվ էր սոցիալական ցանցերում և հայտարարեց, որ մտադիր է վերսկսել է իր ռեպորտաժը, բայց հուլիսի 6-ին կրկին ձերբակալվեց: Հինգ օր փնտրելու հետո նրա ընտանիքը և փաստաբանները վերջապես հայտնաբերելցին, որ նա կրկին դատապարտվել էր 30-օրյա կալանքի`խուլիգանության և ոստիկանությանը «դիմադրելու» համար:
Վերջիններիս դեմ մեկ այլ հարձակում տեղի ունեցավ Գյանջա քաղաքում տեղի ունեցած ողբերգական իրադարձություններից հետո, որտեղ հուլիսի 3-ին քաղաքապետի նկատմամբ մահափորը հանգեցրեց զանգվածային անկարգությունների, իսկ հուլիսի 10-ին ոստիկանության երկու աշխատակիցներ սպանվեցին:Չորս լրատվական կայքեր անմիջապես արգելափակվեցին Գլխավոր դատախազության հրամանով, առանց դատարանների:
Իշխանությունները 2017 թվականի մարտից արդեն արգելափակել են առաջատար անկախ լրատվական կայքերի մուտքը: Նրանք արդեն խեղդել են ամենազանգվածային լրատվամիջոցները, ֆինանսապես կամ փակելով դրանք ուժով, քրեականելով նաև այն ՀԿ-ների գործոնեությունը, որոնք աջակցում են լրատվամիջոցներին: Առնվազն տասնմեկ լրագրող և երկու բլոգեր ձերբակալված են: Չգոհանալով այս ամենով, Ալիևն արդեն չի էլ վարանում հետապնդել նաև իրեն քննադատող այն լրատվամիջոցներին, որոնք փախել են արտերկիր, - նշում է փաստաթուղթը: