Արմինֆո. Ղազախստանի Հանրապետության նախագահը հանդիպել է Չինաստանի գործարար շրջանակների հետ: Հանդիպման ընթացքում, Նուրսուլթան Նազարբաևն ընդգել է, որ Չինաստանի Ժողովրդական Հանրապետությունը Ղազախստանի կարևորագույն ռազմավարական գործընկերներից մեկն է և նշել, պատմականորեն հաստատված բարեկամական և վստահելի հարաբերությունները երկու երկրների միջև:
«Չինաստանը Ղազախստանում ուղղակի ներդրումների ծավալով զբաղեցնում է 4-րդ տեղը: 2017 թվականին մեր երկրների միջև ապրանքաշրջանառությունը կազմել է 10.5 մլրդ դոլար, արձանագրելով 33% տարեկան աճ», - ասել է Ղազախստանի նախագահը:
Նուրսուլթան Նազարբաևը նշել է, որ Ղազախստանում գործում են չինական կապիտաաաալով ավելի քան 1200 ձեռնարկություններ նավթ և գազի, քիմիական և սննդի արդյունաբերություններում, ինչպես նաև բանկային, մեքենաշինության, լոգիստիկայի և այլ ոլորտներում: «Այսօր տեղի է ունեցել Գործարար խորհուրդը, որին մասնակցում էին երկու երկրների գործարարների ավելի քան 300 ներկայացուցիչներ: Ստորագրվեցին ավելի քան 13 միլիարդ դոլարի շուրջ 40 առևտրային փաստաթղթեր: Բացի այդ, ինդուստրացման և ներդրումների ոլորտների համագործակցության շրջանակներում արդեն ձևավորվել է շուրջ 28 մլրդ դոլար արժողությամբ 51 նախագծերի ցանկը», - ասել է Ղազախստանի նախագահը:
Երկրի ղեկավարը ներկաներին պատմել է ձեռնարկատերերի հետ հանդիպման, Ղազախստանի ձեռնտու աշխարհաքաղաքական դիրքի և բիզնեսի վարման այլ հարակից գործոնների օգուտների մասին: «Ղազախստանը Եվրասիական տնտեսական միության անդամ է, ավելի քան 180 միլիոն բնակչությամբ, որտեղ մաքսային սահմաններ չկան: Ղազախստանի տարածքով անցնում են 5 երկաթուղային և 6 ավտոմոբիլային միջազգային երթուղիներ, որոնք Չինաստանը և Ասիայի մյուս երկրները միացնում են Եվրոպայի հետ, Ռուսաստանով, Կասպից և Սև ծովերով, ինչպես նաև Իրանի ու Թուրքիայի տարածքներով: Դա թույլ է տալիս բեռները Չինաստանից Եվրոպա տեղափոխել Ղազախստանի տարածքով 15 օրում, մինչդեռ ծովային առաքման դեպքում այն տևում է 2-3 անգամ ավելի երկար», - հայտարարել է Նուրսուլթան Նազարբաևը:
Ղազախստանի նախագահն ուշադրություն է հրավիրել նաև ներդրումային գրավչության բարձրացմանը և գործարար միջավայրի բարելավմանն ուղղված միջոցառումներին: Մասնավորապես, օրենսդրության ազատականացումը ձեռներեցության ոլորտում, օտարերկրյա ներդրողների խորհրդի ստեղծումը, «Ղազախ ինվեստ» և «Ղազախ Էքսպորտ» ազգային ընկերությունների ստեղծումը, օտարերկրյա աշխատուժի ներգրավման և լիցենզավորման ընթացակարգերի պարզեցումը, ինչպես նաև 11 հատուկ և 24 արդյունաբերական գոտիների համար հարկային արտոնությունների սահմանումը: «Մեր երկրում իրականացնում է ագրոարդյունաբերական համալիրի զարգացման պետական ծրագիր, ինչպես նաև «Թվային Ղազախստան» հատուկ պետական ծրագիրը:
Ընդունվել է զբոսաշրջության ոլորտի զարգացման հայեցակարգը: Մենք դիտարկում ենք մեր խոշոր ընկերությունների IPO-ն Հոնկոնգի և Շանհայի ֆոնդային բորսաներում: EXPO ենթակառուցվածքի հիման վրա սկսեց գործել «Աստանա» միջազգային ֆինանսական կենտրոնը, որի նպատակն է դառնալ «կանաչ», իսլամական և ինովացիոն ֆինանսական գործիքների զարգացման տարածաշրջանային կենտրոն: Չինական ընկերություններին հրավիրում եմ մասնակցել այդ խոշոր նախագծերի իրականացմանը», - ասել է Նուրսուլթան Նազարբաևը:
Հանդիպման ընթացքում առաջատար չինացի ընկերությունների ներկայացուցիչները մեծ հետաքրքրություն են ցուցաբերել ղազախ գործընկերների հետ գործարար կապերի հաստատման հարցում:
Վերջում երկրի ղեկավարը վստահություն է հայտնել, որ նման հանդիպումները կնպաստեն երկու երկրների միջև ավելի սերտ հարաբերությունների հաստատմանը և փոխշահավետ գործընկերության ամրապնդմանը: