Արմինֆո.Հայաստանի բնակչության մեծ մասը համոզված է, որ արտաքին ուժերը ներգրավված չեն «թավշյա հեղափոխության» մեջ: Այս մասին մայիսի 11-ին Երևանում կայացած ասուլիսում, հայտարարել է Gallup International Association հայաստանյան գրասենյակի տնօրեն Արամ Նավասարդյանը, ներկայացնելով հարցման արդյունքները, որը տեղի է ունեցել մայիսի 4-9-ը:
Այն, որ արտաքին ազդեցությունը Հայաստանի գոծընթացների վրա չի եղել, համոզված է 85.7%-ը, 2,1% -ը կարծում է, որ հեղափոխության հետևում կանգնած է Միացյալ Նահանգները, 1.2% -ը`Ռուսաստանը, 1.1% -ը`ԵՄ, 0.7% -ը`այլ երկրներ, իսկ 9,6%-ը դժվարացել է պատասխանել:
Հարցին, թե ինչպես է փոխվելու Հայաստանի արտաքին քաղաքականությունը,
48.3 տոկոսը համոզմունք է հայտնել, որ երկիրը հավասարակշռված քաղաքականություն կվարի բոլոր ազդեցիկ կենտրոնների հետ, 17.8% -ը գտնում է, որ կխորանա ռուսական վեկտորը, 11.4% -ը`եվրոպական ուղղությունը, 6.3% -ը`ԱՄՆ-ը, 2.8%-ը`այլ, իսկ 20,5%-ը դժվարացել է պատասխանել:
Հատկանշական է, որ 68.3% դրական է գնահատել ռուսական ԶԼՄ-ների արձագանքը Հայաստանի իրավիճակի, 13,4% -ը`բացասական, 18.4%-ը դժվարացել է պատասխանել: Իսկ ԱՄՆ լրատվամիջոցների արձագանքը դրական է գնահատել հարցվածների 79.2%-ը, ԵՄ-ինը`3.6% -ը, իսկ 17.3%-ը`բացասական, իսկ 17,3%-ը դժվարացել է պատասխանել:
Հետաքրքիր է, որ 77.7 տոկոսը համոզված է, որ Նիկոլ Փաշինյանը կկարողանա 6 ամսում լուծել երկրի հրատապ խնդիրները, մինչդեռ, 14.8%-ը համոզված է, որ հնարավոր չի լինի, իսկ 7.4%-ը դժվարացել է պատասխանել:
Հարցին, որ եթե վաղը լինեն ընտրություններ, ում օգտին կքվեարկեք, 66,3 տոկոսը պատասխանել է, որ կքվեարկի «Ելք»-ի օգտին, 8.5%-ը`«Քաղաքացիական
Պայմանագիր» կուսակցության օգտին, 3.8% -ը`Հայաստանի Հանրապետական կուսակցության օգտին, 3.2%-ը`«Բարգավաճ Հայաստան», 2.1% - «Ծառուկյանը» դաշինք, 1.9% -ը`ՀՅԴ, 0.2%-ը`«Լուսավոր Հայաստան», 0.4%-ը`«Ժառանգություն», 0.7% - այլ կուսակցությունները, 3.7% -ը` ոչ մեկին, 9.1%-ը դժվարացել է պատասխանել:
Հեռախոսային հարցմանը մասնակցել է 809 մարդ, այդ թվում`33%-ը Երևանում, իսկ 67%-ը Հայաստանի մարզերից: Հարցման անճշտությունը կազմում է 3,5%:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ