Արմինֆո. Երևանի ավագանու խորհրդի «Ելք՚ խմբակցությունը դատապարտում է ՀՀԿ անդամների կողմից «Երկիր Ծիրանի՚ խմբակցության ներկայացուցիչների նկատմամբ գործադրված բռնությունը:
«Երևանի ավագանու ս.թ. փետրվարի 13-ի նիստում տեղի ունեցածի վերաբերյալ ԵԼՔ խմբակցությունը հայտարարում է, որ թեպետ ԵԾ այն գործողությունը, ինչին հաջորդեց ՀՀԿ կողմից կիրառված բռնությունը, մեր գործիքակազմից դուրս է, Երևանի ավագանու ԵԼՔ խմբակցությունը խստորեն դատապարտում է ավագանու անդամի նկատմամբ կիրառված բռնությունը և իրավապահ մարմիններից պահանջում անհապաղ միջոցներ ձեռնարկել միջադեպի մեղավորներին պատասխանատվության ենթարկելու ուղղությամբ՚, - ասվում է խմբակցությունից ԱրմԻնֆո-ին դրամադրված հաղորդագրությունում: