Արմինֆո. Կոռուպցիայի դեմ կառավարության 2016 թ. պայքարի ոլորտում մեր ուսումնասիրությունների արդյունքներն այնքան էլ հուսադրող չեն: 2013-2016 թթ. Հայաստանում կոռուպցիայի մակարդակի նվազում չի դիտվել: Այդ մասին դեկտեմբերի 8-ին «Կոռուպցիան և անվտանգության մարտահրավերներըե խորագրով կոռուպցիայի դեմ պայքարի միջազգային օրվան նվիրված միջոցառման ժամանակ հայտարարել է Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) ծրագրերի ղեկավար Վարուժան Հոկտանյանը:
Նա նշել է, որ Հայաստանում կոռուպցիայի աճի նվազում դիտվել է 2008-2011 թթ., իսկ հետո առանձնակի փոփոխություններ այդ ոլորտում այլևս տեղի չեն ունեցել: Փորձագետը նշել է նաև, որ միջազգային ցուցակում Հայաստանը 33-րդ տեղն է զբաղեցնում կոռուպցիայի մակարդակով, ինչն ընդհանուր առմամբ վատ չէ: «Նախկին ԽՍՀՄ երկրներից Հայաստանից առաջ են տեղակայվել մերձբալթյան երկրները, սակայն վատն այն է, որ մեզ մոտ առաջընթաց չկա: Իսկ Համաշխարհային բանկի ցուցանիշներով՝ 70 երկրի ցուցանիշներն ավելի լավն են, քան՝ Հայաստանի»,- ընդգծել է Հոկտանյանը:
«Բացի այդ, մեր երկիրը հայտնվել է Եվրամիության երկրների ֆինանսների նախարարների «մոխրագույն ցուցակում»: Անշուշտ, շատ լավ է, որ մենք «սև ցուցակում» չենք հայտնվել, քանի որ ԵՄ ֆինանսների նախարարները որոշել են, որ համագործակցելով Հայաստանը կլուծի կոռուպցիոն բոլոր հարցերը: Սակայն, այն փաստը, որ մենք հայտնվել ենք «մոխրագույն ցուցակում», ամենևին դրական փաստ չէ»,- ամփոփել է փորձագետը:
Հոկտանյանը նշել է, որ Հայաստանի հիմնական խնդիրն անկախ դատաիրավական համակարգի, կոռուպցիոն ռիսկերի մոնիթորինգի հանձնաժողովի և ոլորտային հակակոռուպցիոն ծրագրերի բացակայություն է: Փորձագետը կարևորում է հասարակայնության ներգրավումը հակակոռուպցիոն պայքարում, քանի որ տվյալ պահին հայ հասարակությունը խիստ պասսիվ է այդ ոլորտում: «Վերջերս անցկացված մեր հարցման համաձայն՝ հարցման մասնակիցների 67%-ը հայտարարել է, որ նույնիսկ եթե իրենց հայտնի դառնա կոռուպցիոն գործարքների մասին, իրենք համապատասխան ատյաններին չեն հայտարարի: Միհրան Պողոսյանի հետ կապված օֆշորային սկանդալն արդյունքում հանգեցրեց այն բանին, որ նա պատգամավոր դարձավ, այդ պատճառով մեր հասարակությունում վստահություն չկա իրավապահ մարմինների նկատմամբ, կոռուպցիայի դեմ պայքարելու ցանկություն չկա: Մեզ անհրաժեշտ է արմատապես փոխել ստեղծված իրավիճակը»,- ասել է Հոկտանյանը:
ՀՀ արդարադատության փոխնախարար Սուրեն Քրմոյանն իր հերթին հայտարարել է, որ իրականում ամեն բան այդքան վատ չէ: Նա նշել է, որ բոլորովին վերջերս ՀՀ նախագահ Սերժ Սարգսյանը Հատուկ քննչական ծառայությունում հայտարարել է, որ կոռուպցիայի դեմ պայքարը Հայաստանի համար ազգային անվտանգության հարց է: «Վերջին 2 տարում մենք ակտիվորեն զբաղվում ենք հակակոռուպցիոն պայքարով, ստեղծվել են կոռուպցայի դեմ պայքարի նոր ինստիտուտներ, ընդունվել են օրենքներ, որոնց համաձայն՝ ապօրինի հարստացումը քրեորեն պատժելի արարք է դարձել: Մենք ավարտում ենք նաև մոնիթորինգի հանձնաժողովի ստեղծման նախագծի մշակումը , զբաղվում ենք կոռուպցիայի դեմ պայքարի ոլորտային ծրագրերի ստեղծմամբ»,- ընդգծել է Քրմոյանը՝ նշելով, որ Հայաստանի կառավարության վերջնական նպատակը երկրում կոռուպցիայի վերջնական արմատախիլ անելն է:
Լրագրողների հետ զրույցում Սուրեն Քրմոյանը հայտարարել է նաև, որ Վրաստանում և Սինգապուրում կոռուպցիայի դեմ պայքարի օրինակները հարմար չեն Հայաստանի համար: «Սինգապուրում կոռուպցիայի դեմ կոշտ պայքար է մղվում, բայց միաժամանակ այդ երկրում խախտվում են մարդու իրավունքները: Մենք ցանկանում ենք միջազգային փորձից փոխառել լավագույնը և այդ փորձը կիրառել մեզ մոտ»,- ընդգծել է փոխնախարարը: Քրմոյանը նշել է նաև, որ մենք չենք կարող փոխառել այնպիսի երկրների փորձը, ինչպես՝ Սաուդյան Արաբիան, երբ կոռուպցիայում բոլոր կասկածվողներին անմիջապես ձերբակալում են, քանի որ դա մարդու իրավունքների խախտում է, իսկ մենք ժողովրդավարական երկիր ենք: «Բոլոր նրանք, ովքեր կհարստանան ապօրինի ճանապարհով, կխախտեն օրենքը, կպատժվեն՝ անկախ զբաղեցրած պաշտոնից»,- եզրափակել է Սուրեն Քրմոյանը:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
