Երկուշաբթի, 20 Նոյեմբերի 2017 15:38

Արմինֆո. «Վանաձորի ավագանու խորհուրդը մոտ ժամանակներս պետք է կազմացրվի, ինչպես նաև պետք է արտահերթ ընտրություններ անցկացվեն»,-Ազգային ժողովում ճեպազրույցի ժամանակ հայտարարել է «Ելք» խմբակցության առաջնորդ Նիկոլ Փաշինյանը:

 

Նա նշել է, որ Սահմանադրական դատարանը նոյեմբերի 10-ին որոշում է կայացրել այն մասին, որ Վանաձորի ավագանու խորհրդի նիստերը լեգիտիմ չեն, քանի որ անցած 6 ամսվա ընթացքում որևէ նիստ չի անցկացվել՝ ավագանու անդամների մեծամասնության մասնակցությամբ: Փաշինյանն ընդգծել է, որ եթե մոտ ժամանակներս Վանաձորի ավագանու խորհուրդը չցրվի, իրենք այդ հարցով կդիմեն կառավարությանը:

 

Անդրադառնալով Հանրապետական կուսակցության և «Հայկական վերածնունդ» կուսակցության միջև Վանաձորի ավագանու խորհրդում համագործակցության վերաբերյալ օրերս ստորագրված հուշագրին, ինչը ենթադրում է ՀՎ կողմից նիստերի բոյկոտի դադարեցում՝ Փաշինյանը հայտարարել է, որ այդ հուշագրով ՀՎ-ն հաստատեց իր քաղաքական վախճանը:  

 

ՀՀԿ խորհրդարանական խմբակցության ղեկավար Վահրամ Բաղդասարյանն իր հերթին հայտարարել է, որ Վանաձորի Ավագանու խորհրդի ցրման մասին ՍԴ որոշման մեջ խոսք անգամ չի եղել, քանի որ այն վերաբերել է «Տեղական ինքնակառավարման մասին» օրենքի 64-րդ հոդվածի 3-րդ կետին, ինչն էլ հակասահմանադրական է ճանաչվել: «Տեղական ինքնակառավարման մասին» ՀՀ օրենքի 64-րդ հոդվածի համաձայն՝ Վանաձորի ավագանու խորհրդի ընտրությունները համարվում են իրավաչափ՝ այն դեպքում, եթե խորհրդի թեկուզ 9 անդամ ներկա է նիստերին /այսինքն՝ նույնքան ձայն անհրաժեշտ է որոշում ընդունելու համար/: Այդպիսով՝ 2017 թ. մարտի 1-ից Վանաձորի ավագանու խորհուրդը նիստեր է անցկացրել 15 մարդուց բաղկացած կազմով, այսինքն՝ ավելի շատ, քան օրենքն էր պահանջում:

 

«Իհարկե, «Ելք» խմբակցությունն իրավունք ունի այդ հարցով դիմել կառավարությանը, սակայն դրա անհրաժեշտությունը չեն տեսնում: Վանաձորում նիստերն ընթացել են՝ օրենքին համապատասխան:  Բայց ՍԴ-ն «Տեղական ինքնակառավարման մասին» օրենքի 64-րդ հոդվածի հետ Սահմանադրության անհամապատասխանություն է գտել: Այդպիսով՝ մենք Ազգային ժողովում պետք է «Տեղական ինքնակառավարման մասին» օրենքը համապատասխանեցնենք Սահմանադրությանը»,- հայտարարել է Բաղդասարյանը՝ նշելով, որ դա, սակայն, ոչ մի կերպ Ավագանու խորհրդի ցրում չի նախատեսում:

 

2017 թ. նոյեմբերի 10-ին ՀՀ Սահմանադրական դատարանը քննարկել «Ելք» և «Ծառուկյան» դաշինքների պատգամավորների հայցը՝ կապված Վանաձորի քաղաքապետի ընտրություններին հաջորդած իրավիճակի հետ, երբ խորհրդի նիստներն ընթանում են՝ վերջինիս անդամների փոքրամասնության մասնակցությամբ:  ՍԴ վճռի համաձայն՝ «Տեղական ինքնակառավարման մասին» օրենքի 64-րդ հոդվածի 3-րդ կետը հակասահմանադրական է ճանաչվել: ՍԴ-ն հիշյալ դրույթը Սահմանադրությանը համապատասխանեցնելու համար ժամանակ է տվել մինչև 2018 թ. մարտի 31-ը:

 

Ինչպես ավելի վաղ ԱրմԻնֆո-ի թղթակցի հետ զրույցում հայտնել է ՍԴ անդամ Գևորգ Դանիելյանը, Վանաձորի ավագանու խորհրդի ցրման մասին կարող է խոսք լինել միայն այն դեպքում, եթե  2018 թ. մարտի 31-ից հետո, երբ Սահմանադրական դատարանի վճռի համաձայն, «Տեղական ինքնակառավարման մասին օրենքի» 64-րդ  հոդվածը համապատասխանեցվի հիմնական օրենքին, իսկ Վանաձորի ավագանու խորհուրդը շարունակի նիստեր գումարել և որոշումներ կայացնել՝ ձայների փոքրամասնությամբ:

 

Այդ իրավիճակից խուսափելու համար ՀՀԿ-ն համապատասխան միջոցներ է ձեռնարկել դեռ մինչև 2018 թ. մարտի 31-ը՝ համոզելով որպես ընդդիմություն  ներկայացող «Հայկական վերածնունդ» կուսակցությանը համագործակցության հուշագիր ստորագրել և դադարեցնել Վանաձորի ավագանու խորհրդի նիստերը:

Փոխարենը ՀՀԿ-ն ՀՎ-ին խոստացել է Վանաձորի փոխքաղաքապետի պաշտոնը, որը կզբաղեցնի «Հայկական վերածնունդի» ցուցակի առաջին համար Արկադի Փելեշյանը:

 

Ինչպես պատմել են ԱրմԻնֆո-ի հավաստի աղբյուրները, ժամանակի Փելեշյանն արդեն վատություն էր արել ընդդիմադիր գործընկերներին՝ Վանաձորի քաղաքապետի ընտրություններում գաղտնի, փակ քվեարկության ժամանակ, հակառակ ընդդիմության հետ պայմանավորվածությանը, իր ընկերների հետ միասին աջակցելով ՀՀԿ-ից թեկնածու Մամիկոն Ասլանյանին՝ այդպիսով ապահովելով փոքրամասնությունից թեկնածուի հաղթանակը: Իհարկե, Փելեշյանն ստիպված էր նման գործարքի գնալ կառավարող կուսակցության հետ, քանի որ ընտրություններից մի քանի օր առաջ նրա նկատմամբ քրեական գործ էր հարուցվել՝ մեկ այլ թեկնածուի աջակցող հոգևորականին ծեծի ենթարկելու հետ կապված: Փելեշյանի ծառայությունների դիմաց այնուհետ գործը կարճվել էր:

 

Սակայն ՀՎ-ն, իբր վերջանականապես դեմքը չկորցնելու համար, «Ծառուկյան» և «Լուսավոր Հայաստան» ընդդիմադիր խմբակցություննրի հետ միասին որոշել էր բոյկոտել Վանաձորի ավագանու խորհրդի նիստերը: