Արմինֆո. ՀՀ Սահմանադրական դատարանի այսօրվա որոշումը Վանաձորի ավագանու խորհրդի ցրում չի նախատեսում: Այդ մասին ԱրմԻնֆո-ի թղթակցի հետ զրույցում հայտարարել է Վանաձորի քաղաքապետ, կրթությամբ իրավաբան Մամիկոն Ասլանյանը:
Նրա խսքով, ՍԴ-ն մերժել է «Ելք» և «Ծառուկյան» ընդդիմադիր դաշինքների հայցի այն մասը, որը վերաբերել է Ավագանու խորհրդի ցրմանը: «Այդ ուժերի ներկայացուցիչները, ի թիվս այլի, վիճարկել են տեղական ինքնակառավարման մասին օրենքի 69-րդ հոդվածի սահմանադրականությունը: Եվ եթե ՍԴ-ն բավարարեր նրանց հայցն այդ մասով, ապա, Վանաձորի ավագանու խորհրդի նիստերն, իրոք, կարելի էր հակասահմանադրական համարել: Սակայն, ՍԴ-ն տեղական ինքնակառավարման մասին օրենքի 69-րդ հոդվածը համարել է Հիմնական օրենքին համապատասխանող, հետևաբար՝ հաստատել է Վանաձորի ավագանու խորրդի նիստերի սահմանադրականությունը»,- պարզաբանել է Ասլանյանը:
Նա նշել է, որ ՍԴ-ն հակասահմանադրական է ճանաչել միայն տեղական ինքնակառավարման մասին օրենքի 30-րդ հոդվածը, և Վանաձորի ավագանու խորհրդի այն որոշումները որոնք բխում են այդ դրույթից: «ՍԴ-ն ժամանակ է տվել խորհրդարանին՝ օրենքի հիշյալ դրույթը համապատասխանեցնել Սահմանադրությանը, ինչպես նաև մեզ, որպեսի վերանայենք մեր որոշումները: Մենք պարտադիր կարգով կկատարենք ՍԴ որոշումները»,- ասել է Ասլանյանը՝ կրկին ընդգծելով, որ ՍԴ որոշումը Վանաձորի ավագանու խորհրդի ցրում չի նախատեսում, հետևաբար՝ իր հրաժարականի հարցը վերանում է:
Նշենք, որ ՀՀ Սահմանադրական դատարանն այսօր վճիռ կայացրեց Վանաձորի քաղաքապետի ընտրությունների սահմանադրականության վերաբերյալ «Ելք» և «Ծառուկյան» դաշինքների հայցերի առնչությամբ: ՍԴ վճռի համաձայն՝ Վանաձորի ավագանու խորհրդի առաջին նիստի՝ 2017թ. մարտի 31-ի N 2-Ն, 7-Ն, 8-Ն, 9-Ն որոշումները հակասահմանադրական են: ՍԴ-ն նաև Հիմնական օրենքին անհամապատասխանող է ճանաչել տարածքային կառավարման մասին օրենքի 30-րդ հոդվածը: Մինչդեռ հայցում նշված են եղել նաև մի շարք այլ հոդվածներ: Այսինքն՝ ՍԴ-ն մասամբ է բավարարել դաշինքների հայցը: ՍԴ վճիռն ուժի մեջ է մտնում մարտի 31-ին: Միաժամանակ լրագրողների հետ զրույցում «Ելք» դաշինքի անդամ Էդմոն Մարուքյանը նշել է, որ ՍԴ այս վճիռը հաստատում է այն փաստը, որ Վանաձորի ավագանու խորհրդի բոլոր նիստները՝ առաջին նիստից սկսած, հակասահմանադրական են եղել: Հետևաբար, ընդգծել է նա, Վանաձորի ավագանու խորհուրդը պետք է ցրվի և պետք է նոր ընտրություններ նշանակվեն:
Հիշեցնենք, որ Վանաձորի ավագանու խորհրդի ընտրություններում կառավարող Հանրապետական կուսակցությունը չի կարողացել ստանալ ձայների մեծամասնություն՝ ստանալով 32 տեղից 15-ը: Այնուամենայնիվ, Վանաձորի քաղաքապետի ընտրությունների գաղտնի, փակ քվեարկության ժամանակ ընդդիմության երեք ներկայացուցիչներ, խախտելով ընդդիմադիր երեք կուսակցությունների համատեղ պայմանավորվածությունը /«Օրինաց երկիր»՝ ներկայումս «Հայկական վերածնունդ», «Լուսավոր Հայաստան»՝ ներկայումս մտնում է «Ելք» դաշինքի մեջ և «Բարգավաճ Հայաստան»՝ ներկայումս մտնում է «Ծառուկյան» դաշինքի մեջ- խմբ./ աջակցել են ՀՀԿ-ից թեկնածու Մամիկոն Ասլանյանին: «ԱրմԻնֆո»-ի հավաստի տեղեկատվության համաձայն՝ երեքից երկուսը «Օրինաց երկրի» ներկայացուցիչներ են եղել, ավելին՝ նրանցից մեկը՝ Արկադի Փելեշյանը, այդ կուսակցությունից քաղաքապետի թեկնածու է եղել: Այնուամենայնիվ, արդեն Վանաձորի ավագանու խորհրդի նիստերի ժամանակ վերջիններս չեն համարձակվել բացահայտ իրենց ներկայացրած քաղաքական ուժերի որոշման դեմ գնալ և չեն մասնակցել նիստերին: Այսպիսով՝ նիստերն ընթացել են առանց քվորում ապահովելու, այսինքն՝ որոշումներն ընդունվել են ձայների փոքրամասնությամբ, հետևաբար՝ հակասահմանադրական են եղել: Այդ փաստն էլ ՍԴ-ում ապացուցել են «Ելք» և «Ծառուկյան» դաշինքների ներկայացուցիչները:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
