Հայ  Рус  Eng
 Նորություններ


 Ուրբաթ, 10 Նոյեմբերի 2017 14:32
Անի Մշեցյան

Շարմազանով. Եթե աշխարհը չի ճանաչում Արցախի ինքնորոշումը, չպետք է ճանաչի նաև խորհրդային հանրապետությունների ինքնորոշումը

Շարմազանով. Եթե աշխարհը չի ճանաչում Արցախի ինքնորոշումը, չպետք է ճանաչի նաև խորհրդային հանրապետությունների ինքնորոշումը

Արմինֆո. «Միջազգային հանրությունը պետք է հասկանա, որ Արցախի Հանրապետությունը պայքարում է ոչ թե Ադրբեջանի դեմ, այլ՝ ազատության և անկախության համար»,- Հայաստանի և Արցախի Ազգային ժողովների միջեւ համագործակցության միջխորհրդարանական հանձնաժողովի 12-րդ նիստի ժամանակ հայտարարել է ՀՀ ազգային ժողովի փոխնախագահ Էդուարդ Շարմազանովը:

 

Նրա խոսքով, քանի որ Արցախը չի կարող իր խնդիրները բարձրացնել միջազգային հարթակներում, հայ դիվանագետները պետք է բոլոր ջանքերը գործադրեն՝ օտարերկրյա գործընկերներին այդ հարցը լիարժեք և ճիշտ ներկայացնելու նպատակով: «Շատ կարևոր է ակտիվ քարոզչական աշխատանք տանել այլ երկրների պատգամավորների հետ, որպեսզի վերջիններս այցելեն Արցախ»,- նշել է ԱԺ փոխնախագահը:

 

Անդրադառնալով ինքնորոշման վերջին միջազգային գործընթացներին՝ Շարմազանովն ընդգծել է, որ չի կարելի զուգահեռներ անցկացնել դրանց միջև: «Ղարաբաղյան խնդիրը նման չէ ոչ Ղրիմի, ոչ Աբխազիայի, ոչ Կատալոնիայի հարցերին, այն առանձին գործընթաց է: Մենք պետք է մեր եվրոպացի գործընկերներին հասկացնենք, որ Արցախը, ինչպես հետխորհրդային մյուս երկրները, ինքնորոշվել է՝ միջազգային իրավունքների նորմերի համաձայն: Եվ եթե վերջինիս ինքնորոշման գործընթացը չի ճանաչվում միջազգային հանրության կողմից, այն չպետք է ճանաչի նաև խորհրդային հանրապետությունների ինքնորոշումը»,- ընդգծել է Շարմազանովը:

 

Նա նաև միջազգային հանրության ուշադրությունը կենտրոնացրել է այն փաստի վրա, որ Արցախն իր անկախության տարիներին կարողացել է կառուցել ավելի ժողովրդավար պետականություն, քան՝ Ադրբեջանը: «Եվ դա ասում ենք ոչ թե մենք, այլ՝ արտասահմանյան բոլոր պատվիրակությունները, որոնք այցելում են Լեռնային Ղարաբաղ»:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Тигран Мазманян
Какое самоопределение, клоун Паспортный контроль ФСБ РФ в аэропорту..скажите спасибо что вас колонией офиц. не объявили до сих пор и консульские услуги в Москву не перенесли...видимо надеются что скоро кодла вся ваша в Ростов двинет..к Януковичу.

Անուն*
Էլ-փոստ
Տեքստ*
  
4008

 Հարցազրույց
 Մեկնաբանվողներ
 Փնտրել ըստ օրերի