Արմինֆո. Սերժ Սարգսյանի վերադարձը վարչապետի աթոռին գործնականում անխուսափելի է, ԱրմԻնֆո-ի թղթակցի հետ զրույցում այդպիսի կարծիք է հայտնել Միջազգային և անվտանգության հարցերի հայկական ինստիտուտի (AIISA) ղեկավար Ստյոպա Սաֆարյանը:
«Եթե նույնիսկ դա տեղի չունենա 2018 թ. ապրիլին՝ Սարգսյանի նախագահական լիազորությունները լրանալուց հետո, դա անխուսափելիորեն տեղի կունենա դրանից հետո: Թեև պետք է խոստովանել, որ ԶԼՄ-ների սցենարը, ըստ որի՝ Սարգսյանն ապրիլին կզբաղեցնի վարչապետի պաշտոնը, իսկ Կարեն Կարապետյանը՝ նրա տեղակալի, առավել հավանական է»,- ընդգծել է վերլուծաբանը:
«Ժամանակ» թերթի տեղեկություններով՝ իշխանության ներսում օրերս մեծ համաձայնություն է կայացել, ըստ որի՝ Ժնեւից վերադառնալու նախօրեին եւ դրանից հետո երկար զրույցներից հետո Սերժ Սարգսյանին հաջողվել է համոզել Կարեն Կարապետյանին 2018 թ. ապրիլից հետո շարունակել աշխատել Հայաստանի փոխվարչապետի պաշտոնում: Սերժ Սարգսյանին հաջողվել է հասկացնել, որ Արցախի հիմնահարցի եւ Հայաստանի անվտանգության խնդիրների շուրջ վարչապետից ավելի ցածր որեւէ պաշտոն չի տալիս լիարժեք բանակցելու եւ որոշումներ կայացնելու մանդատ, ուստի հենց այդ հիմնավորմամբ փոխվարչապետի պաշտոնում Կարեն Կարապետյանի գործառույթներում ոչինչ չի փոխվելու:
Նշելով, որ կուսակցական ղեկավարության գծով Սարգսյանի տեղակալներն արդեն հայտարարել են, որ քաղաքական խաղից դուրս գալ նա մտադիր չէ, և սեփական քաղաքական հենք ստեղծել Կարեն Կարապետյանին դեռևս չի հաջողվել՝ Սաֆարյանը նշել է, որ այդ համատեքստում գործող նախագահի ապագան տեսնում է հենց վարչապետական աթոռում:
Վերլուծաբանը հիշեցրել է, որ իշխանության համար պայքարում ընդդիմությունը գրեթե բացակայում է, և դրանք ընթանում են բացառապես իշխանության ներսում, ինչը թույլ է տալիս Սերժ Սարգսյանին գործնականումն միանձնյա լուծել ապագա վարչապետի հարցը:
Սաֆարյանը գտնում է, որ նույնիսկ եթե ընդդիմությանը հաջողվի ինչ-որ կերպ համախմբվել՝ ի հակակշիռ իշխանությանը, դա կարվի՝ բացառապես սարգսյանական ճամբարի հետ սակարկությունների նպատակով: Սակայն, ըստ նրա, նույնիսկ այդ դեպքում գործող նախագահը ընդդիմության հետ սակարկության չի գնա, քանի որ ՀՅԴ-ն կառավարությունում է, «Բարգավաճ Հայաստանը» կառավարությունում չէ, բայց խորհրդարանում քվերակում է՝ հանրապետականների հետ ձեռք ձեռքի տված, «Ելքը» չափազանց թույլ է, իսկ արտախորհրդարանական ընդիմության առկայությունն անվանական բնույթ է կրում:
Այս առումով, ըստ նրա, դեպի վարչապետություն Սարգսյանի ճանապարհին կարող են կանգնել միայն ֆորսմաժորային հանգամանքները: Սակայն, ֆորս-մաժորի համար ներքին, ինչպես նաև արտաքին նախադրյաներ վերլուծաբանը գրեթե չի տեսնում՝ գտնելով, որ, օրինակ, Ռուսաստանի լոյալությունը Սարգսյանն արդեն ստացել է՝ Երևանի գրեթե բոլոր արտաքին քաղաքական գործառույթները Մոսկվայի վարմանը հանձնելու հաշվին:
Արմինֆո. «Ժամանակ» թերթի տեղեկություններով՝ իշխանության ներսում օրերս մեծ համաձայնություն է կայացել, ըստ որի՝ Ժնեւից վերադառնալու նախխօրեին եւ դրանից հետո երկար զրույցներից հետո Սերժ Սարգսյանին հաջողվել է համոզել Կարեն Կարապետյանին 2018 թ. ապրիլից հետո շարունակել աշխատել Հայաստանի փոխվարչապետի պաշտոնում: