Արմինֆո.Արցախը հանձնել անհնար է, այն կարելի է միայն կորցնել պատերազմի արդյունքում: Կորցնել` Սյունիքի հետ միասին: ԱրմԻնֆո-ին այդպիսի կարծիք է հայտնել «Աշխարհ՚ ռազմավարական հետազոտությունների կենտրոնի (Ստեփանակերտ) տնօրեն, ռազմական խնդիրների և ազգային անվտանգության գծով փորձագետ Հրաչյա Արզումանյանը` մեկնաբանելով Էդվարդ Նալբանդյանի հայտարարությունը:
«Հայ ժողովրդի համար Սրցախի խնդիրը լուծված է: Ուստի քննարկել ԱԳՆ հայտարարությունները և, առավել ևս, նման հուզական արձագանքել դրանց` ակնհայտորեն չարժե: Հետևաբար, անհրաժեշտ է բարձրացնել և լուծել Հայաստանի ԶՈՒ պաշտպանունակության մակարդակի, ազգային անվտանգության համակարգի , հայոց պետականության և, ընդհանուր առմամբ, հասարակության արդյունավետության բարձրացման խնդիրները՚, - համոզված է վերլուծաբանը:
Հայաստանի արտգործնախարար Էդվարդ Նալբանդյանը նախօրեին «Հայաստան-Սփյուռք» համաժողովում բացել է ղարաբաղյան հակամարտության կարգավորման հայկական կողմի ռազմավարության մանրամասները: Մասնավորապես, խոսելով հայկական կողմի տարածքային զիջումների մասին, նա ընդգծել է, որ վերադարձվելու են այն տարածքները, որոնց փոխանցումը Արցախի անվտանգության համար սպառնալիք չի կարող ներկայացնել, և չի վտանգվի հակամարտության վերջնական կարգավորումը: «Եթե ես այլ մանրամասներ հայտնեմ, ապա բանակցությունները կարող են դադարել», - ասել է նախարարը:
Այդ լույսի ներքո վերլուծաբանը հասարակությանը կոչ է արել տեղի չտալ և թույլ չտալ սեփական ուշադրությունը շեղել մտացածին խնդիրների վրա, որոնք անսահման եռանդ են պահաջում: Հայաստանի միակ խնդիրն ու սպառնալիքը, որոնց վրա կարող է ազդել հայ ժողովուրդը, վերլուծաբանը համարում է հայ հասարակության վիճակը, որը հանգեցնում է մեծ արտագաղթի: Մնացածը` սոսկ հետևանք է:
Իմաստ ունեցող հարցերի թվում Արզումանյանը նշում է այն հարցերը, թե ինչպես փոխել միտումները, հարկադրել իշխանություններին փոխվել, գտնել նրան փոխարինողի, թե ինչպես այդ փոխարինողը կարող է սկսել լուծել հայության խնդիրները: Վերլուծաբանը համոզված է, որ որոշակի ուժեր գիտակցաբար և բավականին պրոֆեսիոնալ ու հետևողականորեն սեղմում են հայ ժողովրդի ցավոտ կետերը:
«Ո՞վ է ապակայունացնում հայ հասարակությունը: Ի՞նչ նպատակներ է հետապնդում: Ի՞նչ արդյունք պետք է ձեռք բերվի այդ ապակայունացման արդյունքում: Արդյո՞ք կարելի է դրանից խուսափել, թե՞ հարկավոր է փորձել հասարակության եռանդը վերաուղղել այլ նպատակների: Ահա այն հարցերը, որոնք այսօր բոլորս պետք է մեզ տանք՚, - ամփոփել է Արզումանյանը: -
Արմինֆո.Արցախի շուրջ բոլոր տարածքները կարևոր նշանակություն ունեն նրա անվտանգության ապահովման առումով. սահմանների և կարգավիճակի առումով անցյալին վերադարձ չկա: ԼՂՀ նախագահ Բակո Սահակյանի մամուլի քարտուղար Դավիթ Բաբայանն այդպես է արձագանքել Հայաստանի արտգործնախարար Էդվարդ Նալբանդյանի այն հայտարարությանը, թե ղարաբաղյան կարգավորման շրջանակում վերադարձվելու են այն տարածքները, որոնցից հրաժարվելը սպառնալիքի տակ չի դնի Լեռնային Ղարաբաղի անվտանգությունը:
Արմինֆո.Հայաստանի արտգործնախարար Էդվարդ Նալբանդյանն այսօր «Հայաստան-Սփյուռք» համաժողովում բացել է ղարաբաղյան հակամարտության կարգավորման հայկական կողմի ռազմավարության մանրամասները: