Արմինֆո. Անցյալ տարվա ապրիլյան պատերազմն արմատապես փոխեց անվտանգության մթնոլորտը տարածաշրջանում: Սեպտեմբերի 11-ին Երևանում ընթացող «Անվտանգոթյունը և դիվանագիտությունը լեռնային զարաբաղյան հակամարտույթունում: Նոր փուլ» խորագրով կլոր սեղանի ընթացքում նման կարծիք է Տարածաշրջանային հետազոտությունների կենտրոնի ղեկավար Ռիչարդ Կիրակոսյանը:
Ըստ նրա, նոր տարածաշրջանային լանդշաֆտում ձևավորվել են նոր իրողություններ, և պահպանվում է պատերազմի ինքնաբուխ վերսկսման բարձր մակարդակը, բացակայում են հարցին ուժային լուծում տալու համապատասխան զսպող մեխանիզմները և կողմերի քաղաքական կամքը, դիվանագիտական գործընթացը շարունակելու համար:
Անդրադառնալով ԵԱՀԿ գործունեությանը, վերլուծաբանն ափսոսանք է հայտնել, որ Բաքվին հաջողվեց փակել Կազմակերպության երևանյան գրասենյակը, դրանով իսկ խաթարելով անվտանգության ամրոցը տարածաշրջանում: Նրա խոսքով, ԵԱՀԿ-ի Մինսկի խմբի համանախագահները չեն կարողանում կատարել արբիտրի դեր և կատարել հասցեավորված հայտարարություններ, քանի որ պետք է պահպանեն հավասարակշռությունը, և կարող են միայն կողմերին աջակցել հակամարտության կարգավորման լուծումներ գտնելու հարցում, առաջարկությունների և նախաձեռնությունների միջոցով, սակայն, կողմերի քաղաքական կամքի առկայության դեպքում:
Անդրադառնալով ԱՄՆ-ի դերին Լեռնային Ղարաբաղի հակամարտության կարգավորման հարցում, որպես ԵԱՀԿ Մինսկի խմբի համանախագահի, Ռիչարդ Կիրակոսյանը նշել է, որ Վաշինգտոնի և Թրամփի վարչակազմի դիրքորոշումն այս հարցում մնում է անորոշ, ինչը, անկասկած, անդրադառնում է հակամարտության կարգավորման գործընթացի վրա: «Գոյություն ունեն ԵԱՀԿ ՄԽ-ում ղարաբաղյան հակամարտության կարգավորման գծով ԱՄՆ ազդեցության կրճատման և Ռուսատսանի ազդեցության ավելացման միտումներ », - գտնում է փորձագետը:
Միևնույն ժամանակ, նա համոզված է, որ ԵԱՀԿ Մինսկի խումբը պետք է հաստատի հակամարտությունը փոխզիջումների և փոխզիջումների միջոցով լուծելու անհրաժեշտությունը: Նրա խոսքով, այդ հարցերն ավելի հաճախ են մղվում երկրորդ պլան, և ավելի հաճախ են կողմերը խոսում կորսված հնարավորությունների մասին, իսկ առաջնահերթություններ են սկսում դառնալ այնպիսի միտումները դիրքորոշումներում, որ փոխադարձ զիջումների կարիքը չկա: «Անհրաժեշտ է հեռանալ ռազմատենչ հռետորաբանությունից և վերադառնալ բանակցությունների սեղան: Արձանագրվել է նոր դինամիկա, որտեղ գոյություն ունի ռազմական գործողությունների վերսկսման և դիվանագիտական ջանքերի ձախողման բարձր հավանականությունը», - ասել է Կիրակոսյանը, հավելելով, որ ՀՀ կառավարությունը պետք է հավատարիմ մնա հակամարտության կարգավորման իր մոտեցումներին, վերադարձնելով հարակից տարածքները Լեռնային Ղարաբաղի կարգավիճակի դիմաց:
Արմինֆո. ԱՄՆ և Ռուսաստանի միջև «պատժամիջոցային պատերազմը» տևական բնույթ կկրի: ԱրմԻնֆո-ին այդպիսի կարծիք է հայտնել Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
Արմինֆո.Վրաստանում ՆԱՏՕ զերավարժություններին Հայաստանի մասնակցությունը թելադրված է անվտանգության բնագավառում Արևմուտքի հետ համագործակցությունը խորացնելու անհրաժեշտությամբ: ԱրմԻնֆո-ին այդպիսի կարծիք է հայտնել Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
Արմինֆո.Ղարաբաղա-ադրբեջանական շփման գծում գիշերը տեղի ունեցած իրադարձությունները ցույց տվեցին անվտանգության տարրերի ամրապնդման կարևորությունը, հուլիսի 5-ին «ՆԱՏՕ-ն Վարշավայից Բրյուսել. Մարդկային անվտանգության և անվտանգության ոլորտի բարեփոխումները Հայաստանում» թեմայով միջազգային գիտաժողովի ժամանակ ասել է Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
Արմինֆո. Տարածաշրջանային հետազոտությունների կենտրոնի տնօրեն Ռիչարդ Կիրակոսյանը համոզված է, որ պաշտպանության նախկին փոխնախարար, ներկայումս Հայաստանի արտակարգ իրավիճակների նախարար Դավիթ Տոնոյանը հետագայում կգլխավորի Հայաստանի պաշտպանական գերատեսչությունը: