Արմինֆո. « Հայաստանի քաղաքացիների 56% -ը գտնում է, որ Ռուսաստանը բացասաբար է ազդում Լեռնային Ղարաբաղի հակամարտության կարգավորման բանակցային գործընթացի վրա», - սեպտեմբերի 11-ի Գլոբալիզացիայի և տարածաշրջանային հետազոտությունների նախնական արդյունքների շնորհանդեսում հայտարարել է կենտրոնի ղեկավար, քաղաքագետ Ստեփան Գրիգորյանը:
Ըստ Գրիգորյանի, հարցման նպատակն էր ուսումնասիրել Հայաստանի քաղաքացիների վերաբերմունքը միջազգային կազմակերպություններին: Մյուս նպատակն էր համեմատել հանրապետության քաղաքացիների և Ազգային ժողովի ու ՀՀ կառավարության ներկայացուցիչների դիրքորոշման հետ:
Հարցումն անցկացվել է Հայաստանի քաղաքների և գյուղերի բնակիչների շրջանում, մասնավորապես, Երևան, Գյումրի, Վանաձոր, Մարտունի և այլն քաղաքներում: Ըստ Գրիգորյանի, 2017 թ. հունիսի 1-ից մինչև սեպտեմբերի 1-ը կայացած հարցմանը մասնակցել են Հայաստանի տարբեր քաղաքներից և գյուղերից 900 քաղաքացիներ: Հարցումը, նշել է քաղաքագետը, անկացրել են ոչ պրոֆեսիոնալ սոցիոլոգները, այլ երիտասարդ կրթված մարդիկ, որոնց համար կարևոր է եղել իրենց հայրենակիցների վերաբերմունքն այս կամ այն միջազգային կազմակերպությունների, այդ թվում`ՆԱՏՕ-ի, ԵՄ-ի, ԵԱՏՄ-ի, ինչպես նաև Ռուսաստանի նկատմամբ: Հարցումներն իրականացվել են անանուն, հարցվողների ընտրանքը սահմանափակվել է մեկ բնակելի շենքից 32 հոգու թվով: Երիտասարդներին թույլատրվել է հարցումներ անցկացնել նաև իրենց ընկերների և հարազատների շրջանում:
Ըստ հարցման արդյունքների, պատասխանելով հարցին, թե արդյոք Ռուսաստանը Հայաստանի դաշնակիցն է, 34% -ը դրական է արձագանքել, իսկ 30%-ը`բացասական: Հարցին, արդյո՞ք Ռուսաստանն ապահովում է Հայաստանի անվտանգությունը, 25%-ը պատասխանել է ոչ, իսկ 30-ը`այո:
Ընդ որում, հարցվածների 40% -ը գտնում է, որ Ռուսաստանը խոչընդոտում է Հայաստանի և ԵՄ միջև հարաբերությունների զարգացմանը: Ըստ քաղաքագետի, Հայաստանի քաղաքացիների 41% -ը գտնում է, որ Հավաքական անվտանգության պայմանագրի կազմակերպությունը (ՀԱՊԿ) չի ապահովում է Հայաստանի անվտանգությունը, 42% -ը պատասխանել է, որ մասամբ է ապահովում, իսկ 15% -ը գտնում է, որ համաձայնագիրն ապահովում է Հայաստանի անվտանգությունը: Հարցին, թե արդյոք Հայաստանի անդամակցությունը ՀԱՊԿ-ին կարող է կանխարգելիչ մեխանիզմ լինել ղարաբաղյան հակամարտության կարգավորման համար, 38% -ը նշել է, որ ոչ, 37% -ը`կարող է մասնակիորեն, իսկ միայն 23% -ը նշել է, որ այո: 63% -ը կարծում է, որ ՀԱՊԿ անդամները չեն օգնի Հայաստանին Ադրբեջանի հետ պատերազմի դեպքում:
Հարցումը, ըստ Գրիգորյանի, ցույց տվեց, որ հարցվածների 50%-ը գտնում է, որ Հայաստանի անդամակցությունը ԵԱՏՄ-ին բացասաբար է անդրադառնում Հայաստանի վրա, 37% -ը կարծում է, որ Հայաստանում տնտեսական իրավիճակի վատթարացումը կապված է Հայաստանի անդամակցության հետ ԵԱՏՄ-ին, իսկ 38% -ը կարծում է, որ Հայաստանում տնտեսական իրավիճակի վատթարացումը մասամբ է պայմանավորված Հայաստանի անդամակցության հետ ԵԱՏՄ- ին:
Նրա խոսքով, հարցվածների 78% -ը բացասաբար է վերաբերվում այն փաստին, որ 2013 թ. սեպտեմբերին Հայաստանը հրաժարվեց ԵՄ-ի հետ ասոցացման համաձայնագիրն ստորագրևելուց: 88% -ը դրական է վերաբերվում Հայաստանի և Եվրամիության հարաբերությունների զարգացմանը: Իսկ 35% -ը գտնում է, որ Եվրոպական Միությունը օգնում է Հայաստանին տնտեսական բարեփոխումների իրականացման հարցում, 14%-ը նշել է, որ չի օգնում, իսկ 50% -ը կարծում է, որ ԵՄ-ն միայն մասնակիորեն է օգնում Հայաստանին: Հարցվողների 58% -ը Հայաստանի ապագան կապում է Եվրամիության անդամության հետ:
Հարցման մասնակիցների 61% -ը դրական է համարում, որ ապագայում Հայաստանը դառնա ՆԱՏՕ-ի անդամ: Իսկ հարցին, թե արդյո՞ք ԵՄ և ՆԱՏՕ հարաբերությունը դրական կանդրադառնա Ղարաբաղյան հակամարտության խաղաղ կարգավորման վրա, 35%-ը պատասխանել է – այո, 27%-ը բացասական պատասխան է տվել, իսկ 37%-ը հտնում է, որ համագործակցությունը կարող է մասամբ նպաստել խաղաղ կարգավորմանը:
Արմինֆո.ԵԱՀԿ Մինսկի խմբի ամերիկացի համանախագահ Ռիչարդ Հոգլանդի կողմից ղարաբաղյան հակամարտության կարգավորման վերաբերյալ վեց կետերի հրապարակումը, հնարավոր է, վկայում է ղարաբաղյան հակամարտության կարգավորման գործում առաջատար միջնորդի Ռուսաստանի դերակատարությունն իր ձեռքը վերցնելու ԱՄՆ ձգտման մասին: ԱրմԻնֆո-ին այդպիսի կարծիք է հայտնել Գլոբալիզացիայի և տարածաշրջանային համագործակցության վերլուծական կենտրոնի տնօրեն Ստեփան Գրիգորյանը:
Արմինֆո. Իրանի բարձրագույն ղեկավարության կողմից Ղարաբաղյան կարգավորման ուժային տարբերակի և խաղաղապահների տեղակայման անընդունելիության մասին հերթական հավաստումը բխում է Հայաստանի ու Արցախի շահերից: ԱրմԻնֆո-ին այդպիսի կարծիք է հայտնել Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը:
Արմինֆո.Հայաստանում Ռուսաստանի դեսպանատունը Ռուսաստանից ՀՀ քաղաքացի Ստեփան Գրիգորյանի արտաքսման առնչությամբ տեղեկատվության չի տիրապետում: ՙՄենք որևէ հարցում չենք ստացել քաղաքացի Գրիգորյանի արտաքսման առնչությամբ: Հենց որևէ տեղեկություն ստացվի ձեր հնչեցրած հարցի վերաբերյալ, մենք կկապվենք ձեր հետ՚,- ԱրմԻնֆո-ի թղթակցին հայտնել են Հայաստանում Ռուսաստանի դեսպանատանը: