Երկուշաբթի, 4 Սեպտեմբերի 2017 17:08

Արմինֆո.Ադրբեջանի կողմից պաշտպանության ծախսերի ավելացումը վկայում է այն մասին, որ Բաքուն մտադիր է ԼՂՀ հարցը կարգավորել ուժային մեթոդներով: Այս մասին սեպտեմբերի 4-ին Երևանում ընթացող «Հակառակորդի ռազմա-քաղաքական մարտավարությունը և մեր գորչծողությունները» կոնֆերանսում հայտարարել է ԼՂՀ ՊԲ օպերատիվ բաժնի ղեկավար, գնդապետ Վիկտոր Առուստամյանը:

 

Նրա խոսքով, վերջին երկու տարիներին Ադրբեջանի կողմից պաշտպանական ծախսերի կրճատումը պայմանավորված էր նավթի համաշխարհային գների անկումով: Նա նշել է, որ Բաքուն հիմնականում զենք է գնում Ռուսաստանից, Թուրքիայից, Իսրայելից, Վրաստանից, Բելառուսից, Ուկրաինայից և ՀԱՀ-ից: «Վերջին տարիներին իրավիճակն առաջնագծում կարելի է որակավորել որպես լարված: Ադրբեջանի ռազմա-քաղաքական ղեկավարությունն իր գործողություններով հետապնդում է հետևյալ նպատակները` պահպանել լարվածությունն առաջնագծում, փորձել փոխել բանակցային գործընթացն իր օգտին, հնարավորինս մեծ վնասներ հասցնել հայկական զինված ուժերին, բարձրացնել սեփական ԶՈւ մարտական ոգին և ստուգել նրանց մարտերի ընթացքում, փորձել շեղել սեփական հասարակության ուշադրությունը երկրի ներքին պրոբլեմներից, հատկապես կախված նավթի գների անկման հետ»,-գտնում է գնդապետը:

 

Միևնույն ժամանակ, Աեուստամյանը ենթադրում է, որ ապրիլյան պատերազմը թելադրված էր ներքաղաքական իրավիճակով, ինչպես նաև Անկարայի ճնշումներով, կապված ռուս-թուրքական հարաբերությունների հետ: Նրա խոսքով, լարվածությունը պահպանվում է, բայց դիվերսիոն գործողությունները նվազել են: «Հակառակորդը պարբերաբար կիրառում է լայնմամասշտաբ սպառազինություններ և հարվածային անօդաչու սարքեր, ակտիվացել են նաև դիպուկահարների գործողությունները: Ներկայումս մենք իրականացնում ենք ինժեներական աշխատանքներ առաջնագծում, հագեցնելով անրհրաժեշտ բոլոր միջոցներով: Մինչև ապրիլյան գործողությունները մենք հույսեր ունեինք, որ խաղաղ կարգավորումն այլընտնանք չունի, բայց այսօր կարող ենք ասել, որ չի բացառվում նաև ուժային լուիծումը: Հետևաբար, մեր զինուժը պետք է պատրաստ լինի իրադարձությունների ցանկացած զարգացումներին»,-ասել է գնդապետը, հավելելով, որ այսօր հայկական զինուժն ավելի կոշտ է արձագանքում, օգտագործելով ամենաարդյունավետ միջոցները:

 

Նա գտնում է, որ ապրիլին Բաքուն որոշեց ուժով լուծել հարցը, բայց այդ պլանը ձախողվեց:

 

Հարցին, թե ինչու ապրիլյան պատերազմում գործեց հանկարծակիության գործոնը, Առուստամյանը նշել է, որ այդ ժամանակահատվածում հակառակորդը պարբերաբար խախտում էր հրադադարի ռեժիմը, կատարում դիվերսիոն գործողություններ, մշտապես տեղափոխում տեխնիկան, շեղելով մեև ուշադրությունը: «Խորը հետախուզական միջոցների բացակայություն և հակառակորդի գործողությունների տվհյալները մեզ մոլորեցրին և թույլ չտվեցին միանգամից արձագանքել, բայց հաշված րոպեներ անց մենք արդեն վերլուծեցինք իրավիճակը և ձեռնամուխ եղանք անհրաժեշտ գործողություններին»,-պատասխանել է նա:

 

Նա նաև նշել է, որ 1994 թվականին Ադրբեջանի ռազմա-տեխնիկական հնարավորութոյւնները գերազանցում էին հայկականին: Նրա համոզմամբ, ռազմա-տեխնիկականից բացի գոյություն ունի բարոյա-հոգեբանական գործոն, մարտական ոգին, ինչը հայկական կողմի մոտ մի քանի անգամ բարձր է, քան հակառակորդի: