Հայ  Рус  Eng
 Նորություններ


 Չորեքշաբթի, 9 Օգոստոսի 2017 16:25

Երևան. Հայաստանի և Ադրբեջանի ղեկավարների հնարավոր հանդիպման առնչությամբ որևէ հստակություն առայժմ չկա

Երևան. Հայաստանի և Ադրբեջանի ղեկավարների հնարավոր հանդիպման առնչությամբ որևէ հստակություն առայժմ չկա

Արմինֆո.Հայաստանի և Ադրբեջանի ղեկավարներ Սերժ Սարգսյանի և Իլհամ Ալիևի հնարավոր հանդիպման առնչությամբ որևէ հստակություն առայժմ չկա, լրագրողների հետ զրույցում ասել է ՀՀ արտգործնախարար Էդվարդ Նալբանդյանը:

 

Նրա խոսքով, այսօր պայմանավորվածություն կա միայն սեպտեմբերին Նյու Յորքում երկու երկրների արտաքին քաղաքական գերատեսչությունների ղեկավարների հանդիպման մասին, որի ժամանակ կքննարկվեն բանակցությունների շարունակման համար համապատասխան պայմաններ ստեղծելու հարցերը:

 

Պատասխանելով այն հարցին, թե հնարավոր է արդյոք Մինսկի միջնորդների կոզմից հակամարտության կարգավորման վերաբերյալ նոր առաջարկների ներկայացումը, Նալբանդյանը նշել է. «Նոր հեծանիվ հորինելը դժվար է: Մենք բանակցություններ կանցկացնենք այն բանի շուրջ, ինչ արդեն կա: Բանակցություններն այլընտրանք չունեն»:

 

Ավելի վաղ «Արմենիա» հեռուստաընկերությանը հարցազրույցում նախագահ Սերժ Սարգսյանը նշել էր ընթացիկ տարվա աշնանն ադրբեջանցի գործընկերոջ հետ հանդիպման հնարավորության մասին: Նա նույնիսկ հավաստիացրել էր, որ այդ մասին արդեն նախնական համաձայնություն է ձեռք բերվել Մինսկի միջնորդների հետ: Ավելի ուշ «Իզվեստիան», վկայակոչելով իր դիվանագիտական աղբյուրները, գրել էր, որ Հայաստանի և Ադրբեջանի ղեկավարների հանդիպումը տեղի կունենա մինչև ընթացիկ տարվա վերջը՝ Մոսկվայի նախաձեռնությամբ:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
1273

 Հարցազրույց
 Մեկնաբանվողներ
 Փնտրել ըստ օրերի