Հայ  Рус  Eng
 Նորություններ


 Չորեքշաբթի, 9 Օգոստոսի 2017 13:20
Անի Մշեցյան

Ամերիկացի քաղաքագետները կարծում են, որ Ռուսաստանը ցանկանում է գլխավոր դերակատարում ունենալ ղարաբաղյան հակամարտության կարգավորման գործում

Ամերիկացի քաղաքագետները կարծում են, որ Ռուսաստանը ցանկանում է գլխավոր դերակատարում ունենալ ղարաբաղյան հակամարտության կարգավորման գործում

Արմինֆո. Ղարաբաղի խնդիրը նախագահ Դոնալդ Թրամփի վարչակազմի ուշադրությունը դեռեւս չի գրավել, սակայն հաջորդ մի քանի ամիսների ընթացքում դա կարող է փոխվել, «Ամերիկայի Ձայնին» ասել է Ատլանտյան խորհրդի վերլուծաբան, Ուկրաինայում ԱՄՆ նախկին դեսպան Ջոն Հերբսթը:

Նրա ասելով, ներկա պայմաններում Հայաստանի եւ Ադրբեջանի նախագահների միջեւ հնարավոր հանդիպումը կրելու է, հիմնականում, խորհրդանշական բնույթ: «Նախագահների հանդիպումը կնշանավորի լարման թուլացում, որը դրական է, սակայն, ես դեռ չեմ տեսնում խնդրի ողջամիտ կարգավորման որեւէ հիմք», - նշել է նա:

 

Ամերիկյան ձեռնարկատիրության ինստիտուտի վերլուծաբան Մայքլ Ռուբինի համոզմամբ, ղարաբաղյան հակամարտության կարգավորման համար խոչընդոտ են հանդիսանում խնդրի մեջ ներգրավված բազմաթիվ կողմերի շահերը:

«Եթե խնդիրը վերաբերեր միայն երկու երկրներին, այն հավանաբար արդեն կարգավորված կլիներ, սակայն, Ռուսաստանի նման պետությունները ցանկանում են պահպանել հակամարտությունը», - հայտարարել է փորձագետը:

 

Մերձավոր Արեւելքի քաղաքականության Վաշինգտոնի ինստիտուտի վերլուծաբան Աննա Բորշեվսկայան, իր հերթին, կարծիք է հայտնել, որ Հայաստանի իշխանությունների համար Լեռնային Ղարաբաղի խնդիրն առաջնային է, սակայն, դրա կարգավորման մեջ Ռուսաստանի մասնակցությունն իրականում կարգավորմանը չի օգնում:

«Ռուսաստանը ցանկանում է այս հակամարտության մեջ լուրջ դեր խաղալ, իսկ եթե չլինի հակամարտություն, չի լինի նաեւ այդ դերը», - նշել է Բորշեվսկայան:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
2176

 Հարցազրույց
 Մեկնաբանվողներ
 Փնտրել ըստ օրերի