Հայ  Рус  Eng
 Նորություններ


 Հինգշաբթի, 27 Հուլիսի 2017 18:28
Անի Մշեցյան

Շեկաղբյուրի բազմամետաղային հանքում երկրաբանահետախուզական աշխատանքեր սկսելու «Միռամ» ՓԲԸ նկրտումներն ապօրինի են

Շեկաղբյուրի բազմամետաղային հանքում երկրաբանահետախուզական աշխատանքեր սկսելու «Միռամ» ՓԲԸ նկրտումներն ապօրինի են

Արմինֆո. Շեկաղբյուրի բազմամետաղային հանքում րկրաբանահետախուզական աշխատանքեր սկսելու «Միռամ» ՓԲԸ նկրտումներն ապօրինի են: Հայաստանի լիազոր պետական կառույցների հավաստմամբ, «Միռամ» ՓԲԸ-ն, որը ձեռնամուխ է եղել աշխատանքների Լոռու մարզի Արդվի գյուղի մոտակայքում, անհրաժեշտ թույլատրելի փաստաթղթերի չի տիրապետում:

 

Իրավիճակի բուն էությունը և գյուղացիների բողոքների օբյեկտիվությունը պարզելու նպատակով ԱրմԻնֆո-ն դիմել է տարբեր իրավասու պետական կառույցների: Բնապահպանության նախարարության հասարակայնության հետ կապերի բաժնի պետ Ալլա Սուքիասյանը գործակալության թղթակցին հայտնել է, որ «Միռամ» ՓԲԸ-ն համապատասխան բնապահպանական լիցենզիա չի ստացել, քանի որ արդվիցիների նախօրեի բողոքի ակցիայի պատճառով նախարարության փորձագետները չեն կարողացել գյուղ մտնել և անհրաժեշտ ուսումնասիրություններ կատարել»:

 

Էներգետիկ ենթակառուցվածքների և բնական պաշարների նախարարի մամուլի քարտուղար Վասակ Թարփոշյանը հայտնել է, որ «Միռամ» ՓԲԸ-ն հանքի շահագործման լիցենզիա ստանալու համար դիմել է գերատեսչությանը, սակայն դեռևս այն չի ստացել, քանի որ դրանից առաջ Բնապահպանության նախարարությունը պետք է հանրային քննարկումներ անցկացներ գյուղի բնակիչների հետ, համապատասխան փորձաքննություններ անցկացներ և տա իր եզրակացությունը: «Էկոլոգների դրական եզրակացության առկայության դեպքում միայն Էներգետիկ ենթակառուցվածքների և բնական պաշարների նախարարությունն իրավունք ունի հանքի շահագործման լիցենզիա տալ»,- պարզաբանել է Թարփոշյանը:

 

Ինչ վերաբերում է հանքի շահագործման դեպքում Արդվիի տարածքում գտնվող պատմամշակութային ժառանգության ոչնչացման հնարավորության վերաբեյալ գյուղացիների մտավախություններին, դրանք փարատել է ՀՀ մշակույթի նախարարության աշխատակազմի պատմության և հուշարձանների պահպանության գործակալության պետ Արմեն Աբրոյանը: ԱրմԻնֆո-ի թղթակցի հետ զրույցում նա, մասնավորապես, հայտարարել է, գործակալությունը որևէ թույլտվություն չի տրամադրել հիշյալ ընկերությանը՝ աշխատանքներ իրականացնելու հատուկ պահպանվող տարածքներում, որտեղ գտնվում են պատմամշակութային հուշարձաններ: «Հետևաբար՝ այդ տեղանքում աշխատանքների իրականացման որևէ իրավունք ընկերությունը չունի: Առանց մեր գործակալության համապատասխան որոշման՝ դա ուղղակի հնարավոր չէ»,- հայտարարել է նա:

 

Մինչդեռ Արդվիի գյուղապետ Սամվել Կիրակոսյանն ԱրմԻնֆո-ի հետ զրույցում հայտարարել է, որ հակված չէ վստահելու պետական կառույցների հավաստիացումներին: «Բանն այն է, որ գյուղացիներին պետք է ներկայացվեին հանքի շահագործման պիլոտային ծրագիր, սակայն որևէ նախագիծ չի ներկայացվել»,- նշել է նա՝ ընդգխելով, որ երկխոսություն կարող է կայանալ միայն այն դեպքում, եթե այդ ծրագիրը ներկայացվի գյուղի բնակիչներին, և քննարկումների ընթացքում գյուղացիները հավանություն տան դրան: Նշենք, որ «Միռամ» ընկերությունը մտադիր է 2017-2020 թթ. իրականացնել երկրաբանահետախուզական աշխատանքներ 140 հա տարածքում, որոնք գտնվում են գյուղական համայնքի հողերի և արոտավայրերի գոտում: Ի դեպ, ԶԼՄ-ների համաձայն, «Միռամ» ՓԲԸ բաժնետոմսերի հիմնական փաթեթն աֆիլացված պատկանում է Հանրապետական կուսակցության խմբակցության ղեկավար Վահրամ Բաղդասարյանին, ով ծնունդով Լոռիից է: Սակայն, ԱրմԻնֆո-ի թղթակցի հետ զրույցում Բաղդասարյանը կտրականապես հերքել է այդ տեղեկությունը: Ըստ որում, նա նշել է, որ դեմ չէ հանքի շահագործմանը: «Բայց եթե դա հակասում է բնապահպանական նորմերին և ոչնչացման վտանգի տակ է դնում գյուղի պատմամշակութային ժառանգությունը, հանքի շահագործումն անթույլատրելի է»,- հայտարարել է նա:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Զարզանդ
Սա բացահայտ ապօրինությունների մի ամբողջ շարան է, որի գլուխ գործոցը բարձրաբերձ դիրքի չարաշահումն է, շահադիտական սպասելիքներով Հետեւանք - մետեւանք կլինի թե՜ ոչ

Անուն*
Էլ-փոստ
Տեքստ*
  
9791

 Հարցազրույց
 Մեկնաբանվողներ
 Փնտրել ըստ օրերի