Հայ  Рус  Eng
 Նորություններ


 Հինգշաբթի, 13 Հուլիսի 2017 16:34
Ալեքսանդր Ավանեսով

Մաքսիմ Վենգերով. «Ես կնվագեմ Բախի «Սարաբանդանե, և միասին կաղոթենք, որ այս արևոտ տարածաշրջանում միշտ լինի խաղաղությունե

Մաքսիմ Վենգերով. «Ես կնվագեմ Բախի «Սարաբանդանե, և միասին կաղոթենք, որ այս արևոտ տարածաշրջանում միշտ լինի խաղաղությունե

Արմինֆո.«Ինձ համար մեծ հաճույք է լինել այս բեմում, որտեղ միշտ նվագում են ամենամեծ, ամենալավ երաժիշտները: Շնորհակալ եմ իմ հիանալի ընկերոջը՝ մաեստրո Սերգեյ Սմբատյանին, այս բեմում ևս մեկ անգամ Հայաստանի պետական երիտասարդական նվագախմբի հետ ելույթ ունենալու հնարավորության համարե,- երեկ երեկոյան համերգի ավարտին հոտնկայս ծափահարող հանդիսատեսին ասել է աշխարհահռչակ ջութակահար Մաքսիմ Վենգերովը, ով Երևանում էր «Արմենիաե միջազգային մրցույթ-փառատոնի գալա համերգին մասնակցելու համար։

 

«Ես շնորհավորում եմ արդեն հանրահայտ դարձած «Արմենիաե առաջին մրցույթ-փառատոնը եզրափակելու կապակցությամբ։ Սա ոչ միայն մրցույթ-փառատոն է, այլև հիանալի հարթակ երիտասարդների համար։ Այսօր ծանոթացանք մրցույթի հաղթողների հետ, և հուսով եմ` մոտ ապագայում մենք կլսենք այդ անունները, և այդ անունները կփայլեն։ Որպես բիս կնվագեմ Բախի «Սարաբանդանե, և միասին կաղոթենք, որպեսզի այս արևոտ տարածաշրջանում միշտ լինի խաղաղությունե,- ասել է Մաքսիմ Վենգերովը՝ ևս մի քանի րոպե իր անմոռանալի հնչյունները պարգևելով դահլիճը լքել չցանկացող ունկնդրին։

 

Համերգի մեկնարկին Հայաստանի պետական երիտասարդական նվագախումբը կատարել է Կլոդ Դեբյուսիի «Այծեմարդու հետկեսօրյա հանգիստըե սիմֆոնիկ պոեմը։ Հանդիսատեսի չդադարող ծափահարությունների ներքո բեմ է բարձրացել Մաքսիմ Վենգերովը։ Սերգեյ Սմբատյանի ղեկավարությամբ երաժիշտները ներկայացրին Յոհաննես Բրամսի Ջութակի կոնցերտը և փառատոնի ռեզիդենտ կոմպոզիտոր Ալեքսեյ Շորի «Միայնակ նավարկումե պիեսը ջութակի և նվագախմբի համար։ 

 

Փառատոնի գեղարվեստական ղեկավար Սերգեյ Սմբատյանը նշել է, որ այս համերգն իրենց համար մեծագույն հաջողություն է. «Ավարտվում է «Արմենիաե մրցույթ-փառատոնը, Հայաստանում է մաեստրո Վենգերովը։ Շատ հուզված ենք բոլորս՝ նվագախումբը, ամբողջ թիմը, ես։ Այն երևույթը, որ մենք ունեցանք` միջազգային չափանիշներին համապատասխան մրցույթ-փառատոն, կարևոր ձեռքբերում է։ Շատ շնորհակալ եմ բոլորին, արտիստներին, որոնք ժամանեցին Հայաստան։ Ունեինք շատ յուրահատուկ ժյուրի, որն աշխատեց գտնել այն տաղանդին, ում անունը մենք դեռ կլսենք ապագայումե։ 

 

Հիշեցնենք, որ հուլիսի 4-12-ը տեղի ունեցած «Արմենիաե միջազգային առաջին մրցույթ-փառատոնն անցկացվում էր Հայաստանի պետական երիտասարդական նվագախմբի և Մշակույթի աջակցության եվրոպական հիմնադրամի նախաձեռնությամբ և ՀՀ մշակույթի նախարարության աջակցությամբ։ Այս մասշտաբային նախագիծը կյանքի է կոչվել ՀՀ առաջին տիկին Ռիտա Սարգսյանի բարձր հովանու ներքո։

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
5730

 Հարցազրույց
 Մեկնաբանվողներ
 Փնտրել ըստ օրերի