Արմինֆո. Թուրքիայի նախագահ Ռեջեթ Թայիփ Էրդողանի թիկնապահներին ձերբակալության օրդեր տալու վերաբերյալ ԱՄՆ ոստիկանության որոշումը հարուցել է Անկարայի զայրույթը:
Թուրքական ԶԼՄ-ների համաձայն, Էրդողանը հանդես է եկել հայտարարությամբ, որում խիստ քննադատության է ենթարկել իր թիկնապահներին ձերբակալության օրդեր տալու վերաբերյալ ԱՄՆ իշխանությունների որոշում: «Երեկ իմ 12 թիկնապահներին ձերբակալելու վերաբերյալ որոշում ընդունվեց: Դա ի՞նչ օրենք է։ Եթե իմ թիկնազորը չպետք է ինձ պաշտպանի, ապա ինչու՞ եմ նրանց տանում Ամերիկա: Երբ գտնվում էի ԱՄՆ-ում, PKK-ի և Ֆեթուլահ Գյուլենի շարժման անդամներն ակցիա են իրականացրել այն վայրից 40-50 մետր հեռավորության վրա, որտեղ ես գտնվել եմ։ Իսկ ամերիկյան ոստիկանությունը ոչինչ չի ձեռնարկել: Կարո՞ղ եք պատկերացնել, թե ինչ տեղի կունենար, եթե նման բան տեղի ունենար Թուրքիայում»,- հարց է տվել Թուրքիայի նախագահը:
Միաժամանակ ԱՄՆ դեսպան Ջոն Բասսը կանչվել է Թուրքիայի ԱԳՆ, որտեղ դիվանագետին տեղեկացրել են Թուրքիայի նախագահի թիկնապահների ձերբակալության որոշման անթույլատրելիության վերաբերյալ Անկարայի դիրքորոշման մասին:
«Վաշինգտոնում Թուրքիայի դեսպանի նստավայրի մոտ անվտանգության ապահովման անբավարար միջոցներն էլ նախադրյալներ են ստեղծել միջադեպի համար: Ի տարբերություն նման մակարդակի այլ հանդիպումների՝ Թուրքիայի նախագահի Վաշինգտոն այցի ընթացքում ամերիկյան իշխանությունների կողմից անվտանգության ապահովմանն ուղղված համապատասխան քայլեր չեն ձեռնարկվել: Այդ պատճառով Թուրքիայի քաղաքացիները չեն կարող պատասխանատվություն կրել Վաշինգտոնում տեղի ունեցած միջադեպերի համար»,- ասվում է գերատեսչության հաղորդագրությունում:
Հունիսի 15-ին ԱՄՆ ոստիկանությունը Թուրքիայի նախագահ Ռեջեթ Թայիփ Էրդողանի թիկնապահներին ձերբակալության օրդեր է տվել, որոնք մասնակցել են Վաշինգտոնում Թուրքիայի դեսպանատան մոտ խաղաղ ցուցարարներին ծեծի ենթարկելուն: Այդ մասին հայտնել են Վաշինգտոնի ոստիկանության ղեկավար Պիտեր Նյուշեմը և քաղաքապետ Մուրիել Բոուսերը:
Հիշեցնենք, որ մայիսի 16-ին Թուրքիայի նախագահ Ռեջեփ Էրդողանի ԱՄՆ այցի կապակցությամբ մի խումբ ցուցարարներ բողոքի ակցիա էին կազմակերպել Վաշինգտոնում Թուրքիայի դեսպանատան առջև։ Էրդողանի թիկնապահները և աջակիցները, ճեղքելով ոստիկանական պատը, հարձակվել էին քուրդ և հայ ցուցարարների վրա ու ծեծի ենթարկել նրանց։ Միջադեպի արդյունքում տուժել էր 10 խաղաղ ցուցարար: Ոստիկանությանը հաղջովել էր ձերբակալել բռնության համար կասկածվող երեք անձանց: Միջադեպը մեծ հակազդեցություն էր հարուցել ԱՄՆ հասարակաքաղաքական շրջանակներում: ԱՄՆ պետքարտուղար Ռեքս Թիլերսոնն անթույլատրելի էր համարել թուրք իրավապահների գործողությունները` խոստանալով պատասխանատվության ենթարկել բոլոր մեղավորներին: Ի պատասխան Վաշինգտոնի գործողությունների և հայտարարությունների` Անկարան խորհրդատվությունների համար հետ էր կանչել ԱՄՆ-ում իր դեսպան Սերդար Քըլըչին:
Ինչպես ավելի վաղ հաղորդվել է, հունիսի 6-ին ԱՄՆ Կոնգրեսի Ներկայացուցիչների պալատում միաձայն ընդունված թիվ 354 բանաձևը դատապարտում է մայիսի 16-ին Վաշինգտոնում Թուրքիայի դեսպանատան մոտ խաղաղ ցուցարարների նկատմամբ բռնությունը: Բանաձևում նաև կոչ է արվում միջոցներ ձեռնարկել հետագայում նման միջադեպերը կանխելու համար: «Թիվ 354 բանաձևում ասվում է, որ Կոնգրեսը խստորեն դատապարտում է նախորդ ամիս թուրք թիկնապահների գործողությունները և պահանջում, որպեսզի Թուրքիան անհապաղ դիվանագիտական անձեռնմխելիությունից զրկի բոլոր նրանց, ովքեր մասնակցել են ԱՄՆ քաղաքացիների և իրավապահ մարմինների աշխատակիցների նկատմամբ հարձակմանը: ԱՄՆ Պետդեպարտամենտին և գաղտնի ծառայությանը կոչ է արվում վերանայել անվտանգության ապահովման ընթացակարգերը և տրամադրել դրանք թուրքական կողմին, որպեսզի այդ երկրի պաշտոնական անձինք հստակ պատկերացնեն, թե ինչպես պետք է գործեն իրենց անվտանգության խմբերն ԱՄՆ տարածքում», - ասվում է բանաձևում: Փաստաթղթում նաև կոչ է արվում պատասխանատվության ենթարկել միջադեպի բոլոր մեղավորներին:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
