Արմինֆո. ԵՄ-ն համաձայն է ղարաբաղյան կարգավորման գծով ԵԱՀԿ Մինսկի խմբի վերջին հայտարարությանը: Այս մասին լրագրողների հետ զրույցում հայտարարել է Հայաստանում ԵՄ պատվիրակության ղեկավար Պիտեր Սվիտալսկին:
«Կարծում եմ, որ դա այլևս հնարավոր չէ պահպանել ստատուս-քվոն ղարաբաղյան հակամարտության գոտում, բայց խնդիրը պետք է լուծվի բացառապես խաղաղ ճանապարհով: Պրոբլեմի ռազմական լուծումը բացառվում է: Երբ կողմերը գտնեն խաղաղ լուծման ճանապարհը, ԵՄ պատրաստ է տրամադրել ֆինանսական օժանդակություն պատերազմի հետևանքները վերացնելու համար: Բայց, կրկնեմ, դա հնարավոր է միայն հակամարտության խաղաղ և վերջնական կարգավորման դեպքում», - ասել է դիվանագետը:
Նշենք, որ օրերս ԵԱՀԿ-ի Մինսկի խմբի համանախագահները Լեռնային Ղարաբաղի հակամարտության կարգավորման շուրջ առաջին անգամ հանդես եկան նպատակային հայտարարությամբ, մատնացույց անելով հրադադարի ռեժիմը խախտած կողմին: Հայտարարության մեջ, մասնավորապես ասված է. «Ըստ մի քանի հավաստի աղբյուրներից հավաքված տեղեկությունների, մայիսի 15-ին ադրբեջանական զինված ուժերը հրթիռային հարձակման են ենթարկել հակառակ կողմի ռազմական տեխնիկան: Մայիսի 16-ի երեկոյից մինչև մայիսի 17-ը հայկական զինված ուժերը պատասխան կրակ են բացել տարբեր տրամաչափի ականանետներից: Երկու կողմերի այդ գործողությունները հրադադարի լուրջ խախտում է և տագնապալի է: Այդ վերջին հարվածների, ինչպես նաև զոհերի և հասցված վնասի վերաբերյալ կան հակասական զեկույցներ: ԵԱՀԿ Մինսկի խմբի համանախագահները և ԵԱՀԿ գործող նախագահի անձնական ներկայացուցիչը շարունակում են հավաքել լրացուցիչ տվյալներ և վերլուծական նյութեր, առկա իրավիճակի մասին ավելի ամբողջական և ճշգրիտ տեղեկատվություն ստանալու համար:
ԵԱՀԿ ՄԽ համանախագահները դատապարտում հրադադարի ռեժիմի խախտման վերջին դեպքերը և կոչ ենք անում կողմերին ձեռնարկել բոլոր անհրաժեշտ միջոցները, կանխելու համար հետագա էսկալացիան հակամարտության գոտում», - ասված է հայտարարության մեջ:
Հիշեցնենք, որ մայիսի 15-ին, ժամը 16:30-ի մոտակայքում Ադրբեջանը ձեռնարկեց հրթիռային (օգտագործվում է իսրայելական հակատանկային հրթիռներ. - խմբ.) հարձակում, որի արդյունքում մասնակիորեն վնասվեց ԼՂՀ ՊԲ ռազմական տեխնիկան (մեկ միավոր տեխնիկա): Ըստ ԶԼՄ-ներում շրջանառվող լուրերի, ԼՂՀ ՊԲ կորուստներ չունի: Իսկ մայիսի 16-ին հայկական կոշտ պատասխան տվեց ադրբեջանական կողմի գործողություններին:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ