Հինգշաբթի, 30 Մարտի 2017 13:58

Արմինֆո. Ընտրությունների օրվա մոտենալուն զուգընթաց Ազգային ժողովում տեղերի համար պայքարը թեժանում է, և եթե ընդդիմադիր ուժերի շրջանում դա արտահայտվում է աբմոխավարական հռետորաբանության աշխուժացմամբ, ապա զգալի թվով աթոռների հավակնող կուսակցություններն ու դաշինքները դիմում են գործուն միջոցների` վարչական ռեսուրսների, այդ թվում, ինչպես բազմիցս գրել են ԶԼՄ-ները, ոստիկանության և ուժային կառույցների, ինչպես նաև ուսումնական հաստատությունների ղեկավարների ակտիվ կիրառմանը:

 

Սակայն հայ ընտրողի նկատմամբ ներգործության ամենագործուն եղանակն ընտրակաշառքն է, և կառավարող ուժերն  այդ մասին գիտեն ոչ լսածից: Այդ առնչությամբ ընտրությունների օրվա մոտենալուն զուգընթաց ընտրակաշառքի սակագները  բարձրանում են երկրաչափական պրոգրեսիայով` հասնելով 5-25 հազար դրամի: Ընտրակաշառքների ավելացմանը զուգընթաց ավելի հնարամիտ են դառնում նաև դրանց «նպատակահարմար» օգտագործման նկատմամբ վերահսկողության եղանակները: Այսպես, ըստ ԶԼՄ-ների, ՀՀԿ պատգամավորության թեկնածու Հակոբ Բեգլարյանի (տրանսպորտի և կապի նախկին նախարար Գագիկ Բեգլարյանի եղբայրը) կողմնակիցները Կենտրոն համայնքում ընտրողների առաջարկում են 15 հազարական դրամ կաշառք, ընդ որում, առիթը բաց չեն թողնում ընդգծել, որ դա բավականին  «բարձր գին է ձայնի դիմաց»` մրցակիցների առաջարկածի համեմատ: Սակայն թեկնածուի ներկայացուցիչները, որպես «ազնիվ քաղաքացիներ», միանգամից «ընչաքաղց ընտրողներին» նախազգուշացնում են, որ անվճար պանիրը լինում է միայն մկան թակարդրում, և այդ 15 հազար դրամը «վաստակելու» համար անհրաժեշտէ  անցնել «որոշակիկի ընթացակարգեր», մասնավորապես, վաղ առավոտյան ներկայանալ թեկնածու շտաբներից մեկը, որտեղ նրան կներկայացվեն  «փաստացի ապացույցներ», որ շտաբի ներկայացուցիչներն առցանց ռեժիմով հետևում են քվեարկության գործընթացին: Այսինքն, ինչպես ԶԼՄ-ներին հաղորդել է Կենտրոն համայնքի բնակիչներից մեկը, ով, հասկանալի պատճառներով,  չի ցանկացել, որպեսզի իր անունը հրապարակվի, Բեգլարյանի կողմնակիցներն իրեն հավաստիացրել են, որ որոշ ընտրատեղամասերում տեղադրված են թաքնված տեսախցիկներ, որոնք միացված են թեկնածուի նախընտրական շտաբների համակարգիչներին` առցանց ռեժիմով քվեարկության գործընթացին հետևելու համար: Հնարավոր է, որ նման ոչ պաշտոնական «վիդեոժուչոկների» մասին խոսակցությունները վախեցնելու ազդեցություն ունեն, և անգամ նրանք, ովքեր հակված չեն հավատալու  վերահսկողության այդպիսի ճարտարամիտ մեխանիզմի առկայությանը, մեղք չլինի ասել, կքվեարկեն այնպես, ինչպես «ամրագրված է» այս կամ թեկնածուի օգտին հանդես  եկող տեղական հեղինակությունների հետ գաղտնի համաձայնության մեջ:

 

Սակայն հանուն արդարության հարկ է նշել, որ ընտրակաշառքների համար իսկական մրցավազք է ծավալվել երկրորդ ընտրատարածքում (Արաբկիր, Աջափնյակ, Դավիթաշեն)  որտեղ առաջադրվել են հայ հասակայնության ոչ անհայտ Արտակ Սարգսյանը (ՍԱՍ-ի Արտակ),  Արթուր Գևորգյանը (ոստիկանապես Վլալդիմիր Գասպարյանի փեսան), ՀՀԿ համամասնական ցուցակի թիվ 4 Արա Բաբլոյանի որդին` Արման Բաբլոյանը, ԱԺ խոսնակ Գալուստ Սահակյանի որդին` Արման Սահակյանը: Ինչպես ԱրմԻնֆո-ին հաղորդել է տարածքի բնակիչներից մեկը, ով նույնպես ցանկացել է մնալ անանուն, գործնականում, պատգամավորության բոլոր թեկնածուների ներկայացուցիչները «թակել են իրենց դռները»` առաջարկելով ընտրակաշառք: «Բաբլոյանի որդու համար ամենաքիչն են առաջարկել` 10 հազար դրամ», - գանգատվել է զրուցակիցը, հաղորդելով, որ կրկնակի գումար է առաջարկել ՕԵԿ նախկին պատգամավոր Գագիկ Մխեյանի որդին, որը ՀՀԿ պատգամավորության թեկնածու Հովհաննես Սոֆոյանի փեսան է: «Նա ՀՀԿ օգտին մեկ ձայնի դիմաց առաջարկել է 20 հազար դրամ: Բայց ամենաառատաձեռնը, պարզվում է, Արտակ Սարգսյանն է: Նրա կողմնակիցներն առաջարկել են, նույնիսկ, 25 հազար դրամ», - պարզաբանել է նա: Ընդ որում, հաղորդել է, որ բոլոր թեկնածուների պարտադիր պայմանն է, որպեսզի քվեարկության օրը, վաղ առավոտյան բոլոր «կոնֆորմիստ-ընտրողները» պետք է տեղամաս հասցվեն հատուկ մեքենաներով, իսկ ճանապարհին նրանց կտրվեն համապատասխան ցուցումներ, չորոշակիացնելով, թե հատկապես` ինչպիսի, և ինչպես է վերահսկվելու քվեարկության «ճիշտ» ելքը: