Հայ  Рус  Eng
 Նորություններ


 Երկուշաբթի, 20 Մարտի 2017 20:28

Մարիաննա Մկրտչյան

Երևանում տեղի է ունեցել հաց բերող Արթուր Սարգսյանի հիշատակի երթը

Երևանում տեղի է ունեցել հաց բերող Արթուր Սարգսյանի հիշատակի երթը

Արմինֆո.Երևանում տեղի է ունեցել հաց բերող Արթուր Սարգսյանի հիշատակի երթը:

 

Ըստ ԱրմԻնֆո թղթակցին հաղորդել են իրադարձությունների վայրից, երթը մեկնարկել է Ազատության հրապարակից: Մի քանի հարյուր ցուցարարներ երթով շարժվում են դեպի Հանրապետության Հրապարակ, վանկարկելով. «Մահ ռեժիմին», «Սարժն սպանեց Արթուրին», «Միավորվեք», «Ազատ, անկախ Հայաստան», «Մենք ենք որոշում», «Դատախազ, հեռացիր»: Ցուցարարները մտադիր են անցնել Երևանի կենտրոնական փողոցներով և վերադառնալ Ազատության հրապարակ:

 

Նշենք, որ Սարգսյանը ձերբակալվել էր և գտնվում էր «Դատապարտյալների հիվանդանոց» ՔԿՀ-ում: Մարտի 5-ին գլխավոր դատախազը բավարարել էր «Սասնա ծռերի» գործողություններին մեղսակցության համար մեղադրվող Արթուր Սարգսյանի նկատմամբ խափանման միջոցը փոխելու վերաբերյալ մի շարք պատգամավորների միջնորդությունը:  

 

Հիշեցնենք, որ «Սասնա ծռերին» սնունդ հասցրած Արթուր Սարգսյանը մեղադրվում էր «կազմակերպված խմբի կողմից ապօրինի կերպով հրազեն, ռազմամթերք ձեռք բերելու, պահելու, փոխադրելու և 2016 թվականի հուլիսի 17-ին ՀՀ ոստիկանության Երևան քաղաքի վարչության պարեկապահակետային ծառայության գնդի տարածք մուտք գործելու, նշված ստորաբաժանման վարչական շենքը և հարակից տարածքը զավթելու, պահելու» դեպքերի առթիվ հարուցված քրեական գործով: Նա կալանավորվել էր, այնուհետև ստորագրությամբ ազատ էր արձակվել մի շարք ծանր հիվանդությունների առնչությամբ, որոնք անհամատեղելի են կալանքի պայմանների հետ: Սակայն փետրվարի 9-ին Արթուր Սարգսյանին կրկին կալանավորել էին` խափանման միջոցը խախտելու համար: Դրանից հետո նա հացադուլ էր հայտարարել, և նրա առողջական վիճակը ծայրահեղ ծանր էր: Մարտի 16-ին նա տեղափոխվել էր հիվանդանոց:

 

Նշենք, որ Արթուր Սարգսյանի հիշատակի ակցիաները տեղի են ունենում ոչ միայն Երևանում, այլ նաև հանրապետության մյուս քաղաքներում, ինչպես նաև ողջ աշխարհում,  նրա մահվան օրից, մարտի 17-ից ի վեր: Ակցիայի մասնակիցները պահանջում են Արթուր Սարգսյանին թաղել Եռաբլուրում և պատասխանատվության ենթարկել նրա մահվան մեջ բոլոր մեղավորներին:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
1342

 Հարցազրույց
 Մեկնաբանվողներ
 Փնտրել ըստ օրերի