Հայ  Рус  Eng
 Նորություններ


 Ուրբաթ, 17 Մարտի 2017 19:12
Մարիաննա Մկրտչյան

Հոլանդական դատարանը Իլհամ Աշկինին մեղավոր է ճանաչել հայերի նկատմամբ ատելություն և բռնություն հրահրելու համար

Հոլանդական դատարանը Իլհամ Աշկինին մեղավոր է ճանաչել հայերի նկատմամբ ատելություն և բռնություն հրահրելու համար

Արմինֆո. Հաագայի թուրք-ադրբեջանական մշակութային միության առաջնորդ Իլհամ Աշկինը մեղավոր է ճանաչվել հայերի նկատմամբ ատելություն և բռնություն հրահրելու համար:

 

Ըստ դատարանի որոշման, Աշմինը դատապարտվեց չորս շաբաթյա պայմանական ազատազրկման`երկամյա փորձաշրջանով, ինչպես նաև 120 ժամերի հարկադիր աշխատանքի:

 

Նշենք, որ այս տարվա մարտի 4-ին հոլանդական Ալմելո քաղաքում տեղի էր ունեցել Հաագայի թուրք-ադրբեջանական մշակութային միության առաջնորդ Իլհամ Աշկինի նկատմամբ դատավարություն: Նա մեղադրվում էր հայերի նկատմամբ ատելություն և բռնություն կիրառելու մեջ, քանի որ թուրքական հանրահավաքում ասել էր, որ «Ղարաբաղի կդառնա հայերի գերեզմանը»:

 

Դատավարության ընթացքում ներկայացվել են պաշտպանության և մեղադրական փաստեր: Դատախազը մանրամասներ է ներկայացրել քննության գործով: Նա պահանջել է մեղադրյալին պատժել 80 ժամյա հարկադիր աշխատանքով և երկու շաբաթ պայմանական ազատազրկում երկամյա փորձաշրջանով: Դատախազությունը հաշվի առել նաև այն փաստը, որ Աշկինը չի ցուցաբերել խորը ըմբռնում, հետևաբար, առկա է հանցագործության կրկնության վտանգը:

 

Հիշեցնենք, որ 2014 թվականին տեղի էր ունեցել թուրքական հանրահավաք, որը կազմակերպված էր Հայ առաքելական եկեղեցու տարածքում Օսմանյան կայսրությունում իրականացված Հայոց ցեղասպանության զոհերի հիշատակին նվիրված հուշարձանի կանգնեցման դեմ: Հանրահավաքում հնչեցված հակահայկական հայտարարությունների կապակցությամբ Հոլանդիայի հայկական կազմակերպությունները ներկայացրել էին համապատասխան բողոքը:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
5254

 Հարցազրույց
 Մեկնաբանվողներ
 Փնտրել ըստ օրերի