Հայ  Рус  Eng
 Նորություններ


 Երեթշաբթի, 6 Սեպտեմբերի 2016

Մարիաննա Մկրտչյան

Քաղաքագետ. Հայ հասարակությունն արմատական քաղաքական հայացքներով ուժեղ,  խարիզմատիկ առաջնորդների կարիք ունի

Քաղաքագետ. Հայ հասարակությունն արմատական քաղաքական հայացքներով ուժեղ,  խարիզմատիկ առաջնորդների կարիք ունի

Արմինֆո. Հայ հասարակությունն արմատական քաղաքական հայացքներով  ուժեղ,  խարիզմատիկ առաջնորդների կարիք ունի: Սեպտեմբերի 6-ին մամուլի ասուլիսում այդպիսի կարծիք է հայտնել «Կովկաս» ինստիտուտի փոխտնօրեն Սերգեյ Մինասյանը:

 

Նրա ասելով, այդ մասին են վկայում հասարակական տրամադրությունները, որոնց ականատես եղանք հուլիսյան իրադարձությունների ժամանակ («Սասնա Ծռերի» կողմից ՊՊԾ գնդի տարածքի գրավումը - խմբ): Ընդ որում քաղաքագետը համոզված է, որ երկրի ներսում նման գործընթացների են հանգեցրել իշխանությունների գործողությունները, որոնք բոլոր հնարավոր և անհնար միջոցներով մարգինալացրել են երկրի քաղաքական ուժերը: «Համոզված եմ, որ տառացիորեն մեկ ամիս անց Հայաստանում կաշխուժանան հետաքրքիր, բուռն գործընթացներ, քանի որ կսկսվի նախընտրական քարոզարշավ: Բոլոր քաղաքական ուժերն այս կամ այն ձևով կփորձեն մասնակցել այդ գործընթացներին», - նշել է Մինասյանը: Եվ այդ համատեքստում նա հավելել է, որ դրա վկայությունն է նաև Հայաստանի երկրորդ նախագահ Ռոբերտ Քոչարյանի հարցազրույցը, որոմ նա շոշափել է Լեռնային Ղարաբաղի հակամարտության կարգավորման և «Սասնա Ծռերի» գործողությունների թեմաները:

 

Փորձագետի ասելով, Քոչարյանի այդ հարցազրույցը բավականին ժամանակին էր, նա կարողացավ անհրաժեշտ դադար պահպանել, սպասել, մինչև կրքերը հանդարտվեն, և հայտնեց իր հստակ տեսակետը հայ հասարակության համար կարևոր այդ երկու հարցերի վերաբերյալ:

 

Միևնույն ժամանակ, քաղաքագետն ընդգծել է, որ 2017 թվականի գարնանը կայանալիք խորհրդարանական ընտրությունները բացառիկ նշանակություն կունենան` սահմանադրական բարեփոխումների առնչությամբ:

 

Մինասյանը նաև չի բացառել քաղաքական կոալիցիաների ստեղծման հնարավորությունը` այս կամ այն արդյունքի հասնելու նպատակով: «Այսօր հետխորհրդային տարածքում մենք տեսնում ենք այնպիսի ֆենոմենի դրսևորում, երբ տարբեր քաղաքական ուժեր միավորվում են ոչ թե ընդհանուր գաղափարախոսության, այլ այս կամ այն նպատակի իրագործման տեխնիկական մեխանիզմների շուրջ», - եզրափակել է փորձագետը:

 

Հիշեցնենք, որ 2015 թվականի սահմանարական հանրաքվեի արդյունքում Հայաստանն անցավ կառավարման խորհրդարանական ձևի, ուստի, 2017 թվականի խորհրդարանական ընտրություններում ընտրվելու է, փաստորեն, Հայաստանի նոր ղեկավար:

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
8035
 Հարցազրույց
 Մեկնաբանվողներ
 Փնտրել ըստ օրերի