Հայ  Рус  Eng
 Նորություններ


 Հինգշաբթի, 1 Սեպտեմբերի 2016

Մարիաննա Մկրտչյան

Բելգիացի խորհրդարանականներն այցելել են Ծիծեռնակաբերդի հուշահամալիր

Բելգիացի խորհրդարանականներն այցելել են Ծիծեռնակաբերդի հուշահամալիր

Արմինֆո. Պաշտոնական այցով Երևանում գտնվող Բելգիայի Թագավորության Ներկայացուցիչների պալատի պատգամավոր, Բելգիա-Հայաստան խորհրդարանական բարեկամության խմբի ղեկավար Էլս վան Հուֆի գլխավորած պատվիրակության անդամները սեպտեմբերի 1-ին ՀՀ ԱԺ պատգամավոր, Հայաստան-Բելգիա բարեկամական խմբի ղեկավար Շիրակ Թորոսյանի ուղեկցությամբ այցելել են Ծիծեռնակաբերդի Հայոց ցեղասպանության զոհերի հուշահամալիր։

Ինչպես ԱրմԻնֆո գործակալությանը տեղեկացվել է ՀՀ ԱԺ մամուլի ծառայությունից, բելգիացի խորհրդարանականները ծաղիկներ են խոնարհել անմար կրակի մոտ և լռությամբ հարգել սուրբ նահատակների հիշատակը։

Նրանք եղել են նաև Հայոց ցեղասպանության թանգարան-ինստիտուտում, ծանոթացել Հայոց մեծ ողբերգության մասին պատմող փաստաթղթերին և ցուցանմուշներին։

Հյուրերը գրառում են կատարել թանգարան ինստիտուտի  հուշամատյանում։ 

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
8640
 Հարցազրույց
 Մեկնաբանվողներ
 Փնտրել ըստ օրերի